കണ്ണൂര്: കണ്ണൂര് കൊയിലി ആശുപത്രിയില് മിനിമല് ഇന്വേസീവ് രീതിയില് ഹൃദയ ശസ്ത്രക്രിയ വിജയകരമായി പൂര്ത്തിയാക്കി. നെഞ്ചിലെ മാറെല്ല് പൂര്ണ്ണമായും തുറക്കാതെ മേല്ഭാഗം തുറന്നും മറ്റൊന്ന് നെഞ്ചിന്റെ ഒരു വശത്തായി ചെറിയ മുറിവിലൂടേയും ഹൃദയ ശസ്ത്ര ക്രിയകള് ചെയ്യുന്ന രീതിയാണ് മിനിമല് ഇന്വേസീവ് രീതി. നെഞ്ചിന്റെ മധ്യഭാഗത്തുളള മാറെല്ല് പകുതിയായി കീറി നെഞ്ച് തുറന്നാണ് മിക്കവാറും ശസ്ത്രക്രിയകള് ചെയ്യുക. ഇത് മാറെല്ല് ഉണങ്ങി പൂര്വ്വ സ്ഥിതിയിലാവാനും മറ്റും കൂടുതല് സമയമെടുക്കും. മാത്രമല്ല ശ്വാസോച്ഛാസ സമയത്ത് നെഞ്ച്കൂടം വികസിക്കുമ്പോള് രോഗിക്ക് കൂടുതല് അസ്വസ്ഥത അനുഭവപ്പെടുകയും ചെയ്യും. ഈ വിഷമങ്ങളെ മറികടക്കാന് നിലവില് ഉപയോഗിച്ചു വരുന്ന രണ്ട് മാര്ഗ്ഗങ്ങളാണ് മിനിമല് ഇന്വേസീവ് രീതി. ഈ രീതി ഉപയോഗിച്ച് ആദ്യമായി ഏതാനും ദിവസം മുമ്പ് കൊയിലി ആശുപത്രിയിലെ ഹാര്ട്ട് സര്ജ്ജന് ഡോ. പ്രസാദ് സുരേന്ദ്രന്റെ നേതൃത്വത്തിലുളള ഡോക്ടര്മാര് രണ്ട് രോഗികളില് വാള്വ് ശസ്ത്രക്രിയ നടത്തി. രണ്ട് രോഗികളും ആശുപത്രിയില് നിന്നും ഡിസ്ചാര്ജ്ജ് ചെയ്യുകയും സുഖം പ്രാപിച്ചു വരുന്നതായും ഡോ.പ്രസാദ് വാര്ത്താസമ്മേളനത്തില് പറഞ്ഞു. ഹൃദ്രോഗ ചികിത്സയിലെ നൂതന ചികിത്സാ രീതി വിജയകരമായി പൂര്ത്തിയാക്കിയതോടെ കൊയിലി ആശുപത്രി മറ്റൊര നേട്ടം കൂടി കൈവരിച്ചിരിക്കുകയാണെന്നും ഡോക്ടര് പറഞ്ഞു. കാര്ഡിയാക് അനസ്തേഷ്യസ്റ്റ് ഡോ.ഗണേഷ്, കാര്ഡിയോളജിസ്റ്റ് ഡോ.അനില് കുമാര്, ഡോ.ഉമേഷ് തുടങ്ങിയവരും വാര്ത്താ സമ്മേളനത്തില് സംബന്ധിച്ചു.
കണ്ണൂര് കൊയിലി ആശുപത്രിയില് മിനിമല് ഇന്വേസീവ് രീതിയില് ഹൃദയ ശസ്ത്രക്രിയ വിജയകരമായി പൂര്ത്തിയാക്കി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.