തെറിവിളിച്ചത് നിരവധി ആളുകള് നോക്കി നില്ക്കെ
തൊടുപുഴ: ജീവനക്കാരെ സ്ഥലം മാറ്റിയതുമായി ബന്ധപ്പെട്ട് തൊടുപുഴയിലെ മുത്തൂറ്റ് സ്ഥാപനത്തിന് മുന്നില് നടത്തിയ സമരം പിരിച്ച് വിടാനെത്തിയ പോലീസുകാര്ക്കെതിരെ കയ്യേറ്റ ശ്രമം. ഹൈക്കോടതി പുറപ്പെടുവിച്ച ഉത്തരവ് നടപ്പാക്കാന് ശ്രമിച്ച തൊടുപുഴ എസ്ഐ ജയകുമാറിനും സംഘത്തിനും നേരെയാണ് കയ്യേറ്റ ശ്രമമുണ്ടായത്. ഇന്നലെ രാവിലെ മുത്തൂറ്റിന്റെ മങ്ങാട്ടുകവലയിലെ മേഖലാ ഓഫീസിനു മുന്നിലേക്ക് നാല്പതോളം ജീവനക്കാര് പ്രകടനമായെത്തിയാണ് സമരം നടത്തിയത്. ഓഫീസിനു മുന്നില് സിപിഎം ഏരിയ സെക്രട്ടറി ടി ആര് സോമന്റെ നേതൃത്വത്തില് ധര്ണ്ണ നടത്താന് തുടങ്ങുമ്പോള് തൊടുപുഴ എസ്ഐ ജയകുമാര് തടഞ്ഞു. സ്ഥാപനത്തിന്റെ 50 മീറ്റര് ചുറ്റളവില് സമരപരിപാടികള് പാടില്ലെന്ന് ഹൈക്കോടതി ഉത്തരവുണ്ടെന്ന് എസ്ഐ ചൂണ്ടിക്കാട്ടി. ഉത്തരവ് ലംഘിച്ചാല് അറസ്റ്റ് ചെയ്ത് നീക്കേണ്ടി വരുമെന്ന് എസ്ഐ മുന്നറിയിപ്പ് നല്കി. ഇതോടെ സിപിഎം പ്രവര്ത്തകര് പോലീസുമായി വാക്കേറ്റവും നേരിയ തോതില് ഉന്തും തള്ളുമുണ്ടായി. ഇതേ തുടര്ന്ന് ഏരിയ സെക്രട്ടറി പരസ്യമായി എസ്ഐയെ തെറിവിളിക്കുകയും ഭീഷണിപ്പെടുത്തുകയുമായിരുന്നു. ഭരണകക്ഷിയുടെ നേതാവെന്ന നിലയിലാണ് ജോലി ചെയ്യാനെത്തിയ പോലീസുദ്യോഗസ്ഥനെ പരസ്യമായി ചീത്തവിളിച്ചത്. ഇതേ തുടര്ന്ന് ഉന്നത ഉദ്യോഗസ്ഥരുമായി എസ്ഐ ബന്ധപ്പെട്ടെങ്കിലും പാര്ട്ടി ടിക്കറ്റില് ഇവിടെയെത്തിയ അവരാരും യാതൊരു നടപടിയെടുക്കാനും എസ്ഐ സഹായിച്ചതുമില്ല. താന് സംസാരിച്ചതിന് ശേഷം മാത്രമെ അറസ്റ്റിന് വഴങ്ങുവെന്ന നിലപാടാണ് ഏരിയ സെക്രട്ടറി എടുത്തത്. ഗതികെട്ട് എസ്ഐയ്ക്ക് ഇതിന് വഴങ്ങേണ്ടി വന്നു. ഇതിനു ശേഷം സമരം ചെയ്ത ജീവനക്കാരെ പൊലീസ് അറസ്റ്റ് ചെയ്ത് തൊടുപുഴ പോലീസ് സ്റ്റേഷനില് എത്തിച്ചു. പിന്നീട് ഇവരെ ജാമ്യത്തില് വിട്ടു. സംഭവത്തെ തുടര്ന്ന് എസ്ഐ രണ്ട് ദിവസത്തെ അവധിയില് പ്രവേശിച്ചിരിക്കുകയാണ്. മുഖം നോക്കാതെ രാഷ്ട്രീയ പാര്ട്ടികള്ക്കെതിരെ നടപടിയെടുക്കുന്ന ആളാണ് ഈ ഉദ്യോഗസ്ഥനെന്നാണ് പൊതുവെയുള്ള സംസാരം. സംസ്ഥാനമൊട്ടാകെ മുത്തൂറ്റ് സ്ഥാപനത്തില് നിന്നും 125 പേരെ സ്ഥലംമാറ്റിയതായി സിപിഎം നേതാക്കള് പറഞ്ഞു.
