പന്നിമറ്റം: ചിങ്ങവനം-പാക്കില് റോഡില് ഗതാഗതകുരുക്കേറുന്നു. എംസിറോഡ് നവീകരണത്തിന്റെ ഭാഗമായി നടക്കുന്ന നിര്മ്മാണ പ്രവര്ത്തനങ്ങള് മൂലം വഴിതിരിച്ചുവിടുന്ന വാഹനങ്ങളാണ് കുരുക്കിലാകുന്നത്. ചിങ്ങവനം റയില്വേ മേല്പ്പാലത്തിന്റെ നിര്മ്മാണാവശ്യത്തിനുള്ള വാഹനങ്ങള്കൂടി തലങ്ങും വിലങ്ങും ഓടി തുടങ്ങിയതോടെയാണ് കുരുക്ക് ഏറിയത്. പന്നിമറ്റം കവലയില് മണിക്ൂറുകളാണ് വാഹനങ്ങള് കുരുക്കിലാകുന്നത്. പന്നിമറ്റം എഫ്സിഐ ഗോഡൗണിലേക്ക് നിരവധി ഭാരവാഹനങ്ങളാണ് ദിനംപ്രതി വന്നുപോകുന്നത്. വീതികുറഞ്ഞ റോഡിലൂടെ കടന്നുപോകുന്ന വാഹനങ്ങളുടെ എണ്ണം വര്ദ്ധിച്ചതാണ് കുരുക്കിന് കാരണമായത്. റോഡില് ഇടയ്ക്കിടയ്ക്കുള്ള കുഴികള്മൂലം വാഹനങ്ങള് നിരങ്ങിനീങ്ങുന്നതും കുരുക്കേറാന് കാരണമാകുന്നുണ്ട്. ചങ്ങനാശ്ശേരി മുതല് കോട്ടയംവരെയുള്ള എംസിറോഡ് വികസനം ആരംഭിച്ചിട്ട് മാസങ്ങള് പിന്നിട്ടു. നിര്മ്മാണ പ്രവര്ത്തനങ്ങള് ഇഴഞ്ഞുനീങ്ങുന്നതായുള്ള ആരോപണം കാലങ്ങളായി നിലനില്ക്കുന്നതാണ്. റോഡ് നവീകരണത്തിനായി ഏറ്റെടുത്ത ഭൂമിയില് പാതിവഴിയിലെത്തിയ നിര്മ്മാണം പൊളിച്ചുനീക്കേണ്ടതായി വന്നതും പണി ഇഴയാന് ഇടയാക്കി. ചിങ്ങവനത്ത് ഓടനിര്മ്മിക്കുന്നതിനായി കുഴിച്ച കുഴിയിലെ വിവിധ കമ്പനികളുടെ കേബിളുകള് നീക്കം ചെയ്യാന് കമ്പനികള് കാലതാമസമെടുത്തത് നിര്മ്മാണം മുടങ്ങാന് സാഹചര്യം ഒരുക്കിയിരുന്നു. കുരുക്കില്പെട്ട് മണിക്കൂറുകളോളം ദീര്ഘദൂര ബസ്സുകള്വരെ കിടക്കേണ്ടതായി വരാറുണ്ട്. ഇതുമൂലം ഓഫീസുകളില് കൃത്യമായി എത്തേണ്ട ജീവനക്കാരും വിദ്യാര്ത്ഥികളും ദുരിതത്തിലാണ്. പ്രാദേശിക വാസികളായ യാത്രക്കാര്ക്ക് നടന്നുപോകാന് പോലും കഴിയാത്ത സ്ഥിതിയിലാണ് പലപ്പോഴും കുരുക്ക് അനുഭവപ്പെടുന്നത്. പന്നിമറ്റം-പരുത്തുംപാറ റോഡ് തകര്ന്ന് കുണ്ടും കുഴിയുമായി കിടക്കാന് തുടങ്ങിയിട്ട് മാസങ്ങള് പിന്നിട്ടു. നാളിതുവരെ റോഡ് നന്നാക്കാന് അധികൃതര് യാതൊരു നടപടിയും സ്വീകരിച്ചിട്ടില്ല. പനച്ചിക്കാട് ദക്ഷിണമൂകാംബിക ക്ഷേത്രത്തിലേക്ക് സംസ്ഥാനത്തിന്റെ വിവിധ ഭാഗങ്ങളില്നിന്നും എത്തിച്ചേരുന്ന ഭക്തജനങ്ങളും ഇിതുമൂലം ദുരിതത്തിലാണ്. ക്ഷേത്രത്തിലെ വിജയദശമി ആഘോഷം ആരംഭിക്കുനതിന് മുമ്പായി റോഡിന്റെ ശോച്യാവസ്ഥ പരിഹരിക്കണമെന്നാണ് നാട്ടുകാരുടെ ആവശ്യം. ചിങ്ങവനം റെയില്വേ മേല്പ്പാലവും പന്നിമറ്റം-പനച്ചിക്കാട് റോഡും ഗതാഗത യോഗ്യമാക്കാന് സര്ക്കാരും പഞ്ചായത്ത് അധികാരികളും സ്വീകരിച്ചില്ലെങ്കില് ശക്തമായ പ്രക്ഷോഭ പരിപാടികള് സംഘടിപ്പിക്കുമെന്ന് ഹിന്ദുഐക്യവേദി ജില്ലാസെക്രട്ടറി എ.ടി. തുളസീധരന് അറിയിച്ചു.
പാക്കില്-ചിങ്ങവനം റോഡില് ഗതാഗതകുരുക്ക് പതിവാകുന്നു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.