മുണ്ടക്കയം: നിര്ധന കുടുംബത്തിലെ കാന്സര് ബാധിച്ച വീട്ടമ്മ ചികില്സയ്ക്കായി സുമനസുകളുടെ സഹായം തേടുന്നു. പുഞ്ചവയല് ആനിക്കുന്ന പ്ലാത്തറ കുഞ്ഞുമോന്റെ ഭാര്യ വല്സമ്മജോസഫ് (54) ആണ് കുടലില് കാന്സര് ബാധിച്ച് ചികില്സയില് കഴിയുന്നത്. കാന്സര് ബാധിച്ച വന്കുടലും, ചെറു കുടലും മുറിച്ചു നീക്കിയെങ്കിലും രോഗം ഭേദമായില്ല. ആമാശയത്തില് നിന്നും ട്യൂബ് വഴിയാണ് മല മൂത്ര വിസര്ജ്ജനം നടത്തന്നത്.
വര്ഷങ്ങളായി നടത്തി വരുന്ന ചികില്സയ്ക്കായി ലക്ഷങ്ങള് ചിലവഴിച്ചു. ഇനി ആകെയുള്ള അഞ്ചു സെന്റ് സ്ഥലവും കൊച്ചുവീടും മാത്രമാണ്. കൂലിപ്പണിക്കാരനായ ഭര്ത്താവിനും പണിക്കു പോകാന് കഴിയാത്ത അവസ്ഥയാണ്. ഓട്ടോ ഡ്രൈവറായ ഏകമകന്റെ വരുമാനം കൊണ്ട് വല്സമ്മയുടെ ചികില്സ മുമ്പോട്ടു കൊണ്ടു പോകാന് കഴിയാത്ത സ്ഥിയിലായി.
തിരുവനന്തപുരം റീജിണല് കാന്സര് സെന്ററിലാണ് ഇപ്പോള് ചികില്സ. 21 ദിവസത്തിനിടെ കീമോ തെറാപ്പി ചെയ്യണം. നിലവില് രണ്ടെണ്ണം കഴിഞ്ഞു. മരുന്നിനും മറ്റു ചിലവിലുമായി ഒരു തവണ ഇരുപതിനായിരത്തോളം രൂപ ചിലവു വരുന്നുണ്ട്. ഇനി 12 കീമോ തെറാപ്പി കൂടി ആവശ്യമാണെന്നാണ് ഡോക്ടര്മാര് നിര്ദ്ദേശിച്ചിരിക്കുന്നത്. അസഹനീയ വേദനയാണ് അനുഭവിക്കുന്നതെന്ന് വല്സമ്മ പറയുന്നു. എന്നാല് തുടര് ചികില്സയ്ക്ക് പണമില്ലാതെ വിഷമിക്കുകയാണ് വല്സമ്മയും വീട്ടുകാരും. വല്സമ്മയുടെ ജീവന് നിലനിര്ത്തണമെങ്കില് നാട്ടിലെ നന്മയുളള മനസുകള് ഉണരണം. അതിനായി കാത്തിരിക്കുകയാണ് ഈ കുടുംബം.
എസ്ബിടി പുഞ്ചവയല് ശാഖയില് വല്സമ്മയുടെ അക്കൗണ്ട് നമ്പര് 67322659427 ഐഎഫ്എസ് കോഡ് ടആഠഞ0000429. ഫോണ്: 8289895108.
