രാജകുമാരി: തനിച്ചു താമസിക്കുന്ന സ്ത്രീ വീട്ടുമുറ്റത്ത് കുടത്തില് നിറച്ചുവച്ചിരുന്ന കുടിവെള്ളത്തില് സാമൂഹ്യവിരുദ്ധര് വിഷം കലക്കിയതായി പരാതി. കുരുവിളാസിറ്റി, മലയില് കൗസല്യയുടെ പരാതിയെതുടര്ന്ന് ശാന്തമ്പാറ പൊലീസ് കേസെടുത്ത് അന്വേഷണമാരംഭിച്ചു. കഴിഞ്ഞ ദിവസം ഉച്ചക്കാണ് സംഭവം. അയല്വാസിയുടെ കുളത്തില് നിന്നും കുടത്തില് വെള്ളമെടുത്ത് മുറ്റത്ത് വച്ചശേഷം കൗസല്യ തൊട്ടടുത്ത് തന്നെയുള്ള ബന്ധുവീട്ടില് പോയി മടങ്ങിവന്നപ്പോഴാണ് കുടത്തില് വിഷം കലര്ത്തിയ കാര്യം ശ്രദ്ധിച്ചത്. വിഷം കലര്ന്ന് പാല്നിറമായ കുടിവെള്ളത്തിന് രൂക്ഷമായ ദുര്ഗന്ധവുമുണ്ടായിരുന്നു. തുടര്ന്ന് നാട്ടുകാരെ ഇവര് വിവരമറിയിച്ചു. ഈ പ്രദേശത്ത് സാമൂഹ്യവിരുദ്ധരുടെ ശല്യം വര്ദ്ധിച്ചുവരികയാണെന്ന് നാട്ടുകാര് പരാതിപ്പെടുന്നു. കഴിഞ്ഞ വര്ഷം ചക്കാലക്കുന്നേല് ആവറാച്ചന്റെ വീടിന്റെ മുറ്റത്തുള്ള കിണറ്റില് സാമൂഹ്യവിരുദ്ധര് മണ്ണെണ്ണ കലക്കിയിരുന്നു. അവറാച്ചന്റെ മകന്റെ വിവാഹതലേന്നാണ് കിണറ്റില് മണ്ണെണ്ണ ഒഴിച്ചത്. ഈ സംഭവത്തിലും പ്രതികളെ ഇതുവരെ പിടികൂടാനായിട്ടില്ല.
കുടിവെള്ളത്തില് വിഷം കലര്ത്തിയതായി പരാതി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.