മലപ്പുറം: വിശ്വഹിന്ദു പരിഷത്ത് ജില്ലാകമ്മറ്റിയുടെ നേതൃത്വത്തില്‍ കര്‍ക്കടകവാവിനോട് അനുബന്ധിച്ച് സമൂഹ പിതൃതര്‍പ്പണം സംഘടിപ്പിക്കുന്നു. വഴിക്കടവ് തൃമൂര്‍ത്തി സംഗമസ്ഥാനം, എടക്കര ബലിക്കടവ് എന്നീ സ്ഥലങ്ങളില്‍ സമൂഹ പിതൃതര്‍പ്പണം നടക്കും. ഹിന്ദുവിശ്വമാസികയുടെ പ്രചാരണ ഉദ്ഘാടനം വിഎച്ച്പി സംസ്ഥാന ഗോരക്ഷാ പ്രമുഖ് വി.എം.നാരായണനുണ്ണി ജില്ലാ പ്രസിഡന്റ് തോട്ടുവാടി അപ്പുകുട്ടനു നല്‍കി നിര്‍വ്വഹിക്കും. രാമായണമാസാചരണത്തിന്റെ ഭാഗമായി സ്ഥാനീയസമിതികള്‍ കേന്ദ്രീകരിച്ച് രാമായണപാരായണം, ശ്രീരാമനാമ അഷ്‌ടോത്തരഅര്‍ച്ചന, പ്രഭാഷണം, നാലമ്പല യാത്ര, എന്നിവ നടക്കുന്നുണ്ട്.
യോഗത്തില്‍ ജില്ലാ പ്രസിഡന്റ് തോട്ടുവാടി അപ്പുകുട്ടന്‍ അദ്ധ്യക്ഷത വഹിച്ചു. വിഭാഗ് സെക്രട്ടറി എ.സി.ചെന്താമരാക്ഷന്‍, ജില്ലാ സെക്രട്ടറി എം.രാജന്‍, വര്‍ക്കിംഗ് പ്രസിഡന്റ് പി.പരമേശ്വരന്‍ മാസ്റ്റര്‍, സത്സംഗം പ്രമുഖ് നാരായണ ശര്‍മ്മ, സംഘടനാസെക്രട്ടറി കെ.വി.സുകുമാരന്‍ എന്നിവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: