കോട്ടയം: സ്കൂള് വിദ്യാര്ത്ഥിയായ പന്ത്രണ്ടുകാരനെ പ്രകൃതി വിരുദ്ധ നടപടികള്ക്ക് വിധേയനാക്കാന് ശ്രമിച്ച ഹോട്ടല് മാനേജര് അറസ്റ്റില്. കോട്ടയം നഗരസഭ കാര്യാലയത്തിനു സമീപം പ്രവര്ത്തിക്കുന്ന അറേബ്യന് ഹോട്ടല് മാനേജര് കായംകുളം കാനാത്ത് പുതുവേലില് അന്സാരിയാണ് (39) അറസ്റ്റിലായത്. സംഭവത്തെ തുടര്ന്ന് ഒളിവില് പോയ അന്സാരി കോട്ടയത്ത് എത്തിയിട്ടുണ്ടെന്ന് ലഭിച്ച രഹസ്യ വിവരത്തെ തുടര്ന്ന് കോട്ടയം വെസ്റ്റ് എസ്.ഐ എം.ജെ.അഭിലാഷ് ഇയാളെ പിടികൂടുകയായിരുന്നു. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു. ഏപ്രില് മാസത്തിലായിരുന്നു കേസിനാസ്പദമായ സംഭവം. വീട്ടില് കിടന്നുറങ്ങുകയായിരുന്ന ബാലനെ ആളില്ലാത്ത സമയം നോക്കി ഇയാള് കടന്നു പിടിക്കുകയും പ്രകൃതി വിരുദ്ധ നടപടികള്ക്ക് വിധേയമാക്കാന് ശ്രമിക്കുകയായിരുന്നു. എന്നാല് ഇതിനിടെ വീടിന്റെ ബാല്ക്കണിയിലൂടെ ബാലന് ചാടി രക്ഷപ്പെടുകയായിരുന്നു. മദ്യലഹരിയിലായിരുന്നു അന്സാരി. ബാലന്റെ പരാതിയെ തുടര്ന്ന് കോട്ടയം വെസ്റ്റ് പോലീസ് കേസെടുത്ത് അന്വേഷിച്ചുവരികയായിരുന്നു.
പ്രകൃതി വിരുദ്ധം: ഹോട്ടല് മാനേജര് അറസ്റ്റില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.