ബര്ലിന്: ജര്മ്മനിയില് ട്രെയിന് യാത്രികര്ക്ക് ഐഎസ് ഭീകരന്റെ മഴു കൊണ്ടുള്ള ആക്രമണത്തില് ഗുരുതര പരിക്ക്. ബവേറിയായിലെ വുസ്ബര്ഗില് തിങ്കളാഴ്ചായിരുന്നു സംഭവം. 17 കാരനായ അഫ്ഗാന് അഭയാര്ത്ഥിയുടെ ആക്രമണത്തില് നിരവധി യാത്രക്കാര്ക്ക് ഗുരുതരമായി പരിക്കേറ്റു. കൈയ്യില് മഴുവുമായി ‘അള്ളാഹു അക്ബര്’ എന്നു പറഞ്ഞു കൊണ്ട് ട്രെയിനിലേക്ക് ചാടിക്കയറിയ അക്രമി യാത്രികരെ വെട്ടിപ്പരിക്കേല്പ്പിക്കുകയായിരുന്നു.
ആക്രമണത്തിനു ശേഷം ഓടിരക്ഷപ്പെടാന് ശ്രമിച്ച യുവാവിനെ പോലീസ് വെടിവച്ചു കൊന്നു. ജര്മ്മനിയിലെ അഭയാര്ത്ഥി ക്യാംപിലെ അന്തേവാസിയാണ് അക്രമിയെന്ന് പോലീസ് പറഞ്ഞു. ആക്രമണത്തിന്റെ ഉത്തരവാദിത്വം ഐഎസ് ഏറ്റെടുത്തിട്ടുണ്ട്.
അക്രമി തങ്ങളുടെ പോരാളിയാണെന്നും ഇസ്ലാമിക വിരുദ്ധ തീരുമാനങ്ങള് കൈക്കൊള്ളുന്ന രാജ്യങ്ങള്ക്കെതിരെ പോരാടുകയാണ് ഇയാള് ചെയ്തതെന്നും ഐഎസ് അവരുടെ വാര്ത്താ ഏജന്സിയിലൂടെ വെളിപ്പെടുത്തിയിട്ടുണ്ട്.
