കുറ്റിപ്പുറം: കുറ്റിപ്പുറത്തും പരിസര പ്രദേശങ്ങളിലും കോളറ പടരുന്ന സാഹചര്യത്തില്‍ ടൗണിലെ നാല് ഹോട്ടലുകള്‍ അടച്ചുപൂട്ടാന്‍ ആരോഗ്യവകുപ്പ് ഉത്തരവിട്ടു.
ഇന്നലെ മാത്രം കോളറ ബാധിതരായ അഞ്ചുപേര്‍ തൃശ്ശൂരിലെ സ്വകാര്യ ആശുപത്രിയിലും കോഴിക്കോട് മെഡിക്കല്‍ കോളേജിലുമായി ചികിത്സ തേടിയിട്ടുണ്ട്. ഇതില്‍ ഒരാളുടെ നില ഗുരുതരമാണ്. കുറ്റിപ്പുറത്തെ ചില ഹോട്ടലില്‍ നിന്നും ഭക്ഷണം കഴിച്ഛവര്‍ക്കാണ് രോഗ ലക്ഷണം കണ്ടത്.
പരാതിയുടെ അടിസ്ഥാനത്തില്‍ ആരോഗ്യ ഉദ്യോഗസ്ഥര്‍ പരിശോധന നടത്തുകയും ക്രമക്കേട് കണ്ടെത്തുകയും ചെയ്തിരുന്നു. കക്കൂസ് ടാങ്കും, അടുക്കളയും, കിണറും പരസ്പരം മലിനമാകുന്ന അകലത്തില്‍ പ്രവര്‍ത്തിക്കുകയാണ്. കക്കൂസ് മാലിന്യം കിണറ്റില്‍ കലരുന്നതായും സംശയിക്കപ്പെടുന്നു. സാമ്പാറും ചട്ട്‌നിയും തികയാതെ വരുമ്പോള്‍ ഇവയില്‍ പച്ചവെള്ളം ചേര്‍ക്കുന്നതായി പരാതി ഉയര്‍ന്നിരുന്നു. ഇതിനാലാകാം രോഗം പടരുന്നതെന്ന നിഗമനത്തില്‍ ഹോട്ടലുകള്‍ അടച്ചുപൂട്ടാന്‍ ഉത്തരവിട്ടു.
പ്രതികരിക്കാൻ ഇവിടെ എഴുതുക: