പരപ്പനങ്ങാടി: റോഡരികില്‍ നിന്ന് മുറിച്ച മരം നടപ്പാതയില്‍ നിന്ന് അധികൃതര്‍ നീക്കം ചെയ്യാത്തതായി പരാതി. ഗതാഗതക്കുരുക്ക് ഒഴിവാക്കാനും കാല്‍നടയാത്രക്കാര്‍ക്കായി നടപ്പാത സൗകര്യപ്പെടുത്തുന്നതിന്റെയും ഭാഗമായി താനൂര്‍ റോഡില്‍ നിന്ന് മുറിച്ചു മാറ്റിയ മരങ്ങളാണ് നടപ്പാത തന്നെ കിടക്കുന്നത്. പുത്തന്‍പീടിക മുനവ്വിറുല്‍ ഇസ്‌ലാം സ്‌കൂള്‍, ചിറമംഗലം എഎംയുപി സ്‌കൂളിന്റെയും എഎംഎല്‍പി സ്‌കൂളിന്റെയും ഇടയില്‍ ചിറമംഗലം ജുമാമസ്ജിദ് സമീപവും റോഡരികിലുണ്ടായിരുന്ന മരങ്ങളാണ് മുറിച്ച് നടപ്പാതയില്‍ തന്നെ ഇട്ടിരിക്കുന്നത്. ഒരാഴ്ചയായി മരം മുറിച്ചിട്ട്. സ്‌കൂളിലെത്തുന്ന വിദ്യാര്‍ത്ഥികള്‍ക്കും യാത്രക്കാര്‍ക്കും പ്രയാസമായ നിലയില്‍ നടപ്പാതയിലിട്ട മരക്കഷണങ്ങള്‍ ഉടന്‍ നീക്കം ചെയ്യാന്‍ അധികൃതര്‍ തയ്യാറാകണമെന്നും നാട്ടുകാര്‍ ആവശ്യപ്പെടുന്നു.
Monday, November 25, 2024
നടപ്പാതയില്‍ നിന്നും മുറിച്ച മരം നീക്കം ചെയ്തില്ല
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: