പല വിധത്തില്‍ ആളുകള്‍ നിയമവിരുദ്ധമായി അന്താരാഷ്‌ട്ര അതിര്‍ത്തികള്‍ കടക്കുന്നതായി സിനിമ രംഗങ്ങളില്‍ നമ്മള്‍ കണ്ടിട്ടുണ്ട്. ഞൊടിയിടയിലാണ് നായകന്‍ വിദേശിയായ വില്ലന്റെയടുത്ത് ഇത്തരത്തില്‍ എത്തുന്നത്. നേരെ തിരിച്ച് വില്ലനും സമാനമായ രീതിയിലെത്തുന്നത് കാണാന്‍ സാധിക്കും. യഥാര്‍ത്ഥത്തില്‍ ഇത് അസാധ്യമാണെന്ന് നമ്മുക്കെല്ലാം അറിയാം.
എന്നാല്‍ അസാധ്യമായതിനെ സാധ്യമാക്കാന്‍ 21കാരനായ ഇറ്റാലിയന്‍ യുവാവ് ശ്രമം നടത്തി. ആറടി ഉയരമുള്ള യുവാവ് സ്യൂട്ട്‌കേസില്‍ യാത്ര ചെയ്താണ് ഏവരേയും അമ്പരിപ്പിച്ചത്. സ്വിസ് റെയില്‍ യാത്രക്കാരും അതിര്‍ത്തി സുരക്ഷാ സേനയും നോക്കി നില്‍ക്കെ യുവാവ് സ്വയം ബാഗ് തുറന്ന് പുറത്ത് വരികയായിരുന്നു. സുരക്ഷാ ഉദ്യോഗസ്ഥരില്‍ ഒരാള്‍ ഈ ദൃശ്യം പകര്‍ത്തുകയും ചെയ്തു.
https://youtu.be/071e456QFJk
ദൃശ്യത്തില്‍ ബാഗിനുള്ളില്‍ നിന്ന് കൈ പുറത്തേയ്‌ക്കിട്ട് യുവാവ് സിബ് തുറക്കാന്‍ ശ്രമിക്കുകയാണ്. ശ്രമഫലമായി തല കൂടി പുറത്തായതോടെ സുരക്ഷാ ഉദ്യോഗസ്ഥരുടെ സഹായത്തോടെ യുവാവ് പുറത്തെത്തി. ടിഷര്‍ട്ടും ജീന്‍സും വേഷമായി ധരിച്ചിരുന്ന യുവാവിനെ ഉദ്യോഗസ്ഥര്‍ കൂട്ടികൊണ്ടു പോകുകയായിരുന്നു.
ഇറ്റലിയില്‍ നിന്ന് സ്വിറ്റ്‌സര്‍ലാന്‍ഡിലേയ്‌ക്ക് സുഹൃത്തിനോടൊപ്പം ട്രെയിന്‍ മാര്‍ഗ്ഗമായിരുന്നു യുവാവിന്റെ യാത്ര. എന്നാല്‍ ബാഗിനുള്ളില്‍ യാത്ര ചെയ്യാനുള്ള ശ്രമം പരാജയപ്പെട്ട് യുവാവ് ഇറ്റലിയില്‍ തന്നെ മടങ്ങിയെത്തി.
പ്രതികരിക്കാൻ ഇവിടെ എഴുതുക: