കട്ടപ്പന : ഹൈറേഞ്ചിലെ ഹോട്ടലുകളും ബേക്കറികളും വൃത്തിഹീനമായ ചുറ്റുപാടുകളില് പ്രവര്ത്തിക്കുന്നതായി പരാതി. നടപടിയെടുക്കേണ്ട ആരോഗ്യവകുപ്പും മുനിസിപ്പാലിറ്റിയും ഇതിന് വേണ്ടത്ര ശ്രദ്ധ നല്കുന്നില്ല. വീടുകളില് നിന്നും കുടില് വ്യവസായങ്ങളില് നിന്നും വില്പ്പനയ്ക്ക് കൊണ്ടുവരുന്ന ഭക്ഷ്യവസ്തുക്കള് പലപ്പോഴും കാലാവധി കഴിഞ്ഞാലും പഴയ സ്റ്റിക്കറുകള് മാറ്റി പുതിയ സ്റ്റിക്കറുകള് അതിന്മേല് ഒട്ടിച്ച് പ്രിന്റ് ചെയ്ത് വില്ക്കുന്നുവെന്ന് ആരോപണമുണ്ട്. ഹോട്ടലുകളില് ജോലി ചെയ്യുന്ന ജീവനക്കാര്ക്ക് ഹെല്ത്ത് കാര്ഡ് നിര്ബന്ധമാക്കിയിട്ടുണ്ടെങ്കിലും ഹോട്ടല് ഉടമ ഇതൊന്നും കാര്യമാക്കുന്നില്ല. ഹൈറേഞ്ചിലെ പ്രമുഖ പട്ടണത്തില് ബസ്റ്റാന്റിന് സമീപമുള്ള ഒരു ബേക്കറിയില് നിന്നും ഭക്ഷണം കഴിച്ച് ഒരു സ്ത്രീക്ക് ശാരീരിക അസ്വസ്തത ഉണ്ടാവുകയും ആശുപത്രിയില് പ്രവേശിപ്പിക്കുകയും ഉണ്ടായി. എന്നാല് ആരോഗ്യ വകുപ്പില് പരാതി നല്കിയെങ്കിലും ഉന്നതരുടെ ഇടപെടല് മുഖാന്തിരം യാതൊരു നടപടിയും സ്വീകരിക്കാന് ആരോഗ്യവകുപ്പ് തയ്യാറായില്ല എന്നും ആക്ഷേപം ഉയരുന്നു. മഴക്കാലമായതോടെ പലവിധ രോഗങ്ങള് പിടിപെടാനുള്ള സാദ്ധ്യതകള് ഏറെയാണ് ഇതിനെതിരെ കര്ശന നടപടി സ്വീകരിക്കണമെന്ന് നാട്ടുകാര് ആവശ്യപ്പെട്ടു.
ഹോട്ടലുകളിലും ബേക്കറികളിലും പഴകിയ ഭക്ഷണം വ്യാപകമായി വില്ക്കുന്നു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.