കോഴിക്കോട്: ഭൂപടം വരച്ചും, ബുള്സൈ ഉണ്ടാക്കിയും കളിയാക്കുന്നത് ആണത്തമല്ലെന്നും ഊളത്തമാണെന്നും ഊളന്മാര്ക്ക് ഇരിക്കാനുള്ള ഇടമല്ല ജില്ലാ കലക്ടര് പദമെന്നും പറഞ്ഞ് കലക്ടറെ അപഹസിച്ച് കോണ്ഗ്രസ് മുഖപത്രം വീക്ഷണത്തിന്റെ മുഖപ്രസംഗം. കോഴിക്കോട് കലക്ടറും സ്ഥലം എംപിയും തമ്മിലുള്ള വിവാദത്തില് ഇടപെട്ടാണ് വീക്ഷണത്തിന്റെ പുതിയ മുഖപ്രസംഗം. കുന്ദംകുളത്തിന്റെ മാപ്പിട്ട് കലക്ടര് ആദ്യം എംപിയെ പരിഹസിച്ചെങ്കിലും പിന്നീട് ഖേദം പ്രകടിപ്പിച്ചിരുന്നു. കലക്ടര് എന്. പ്രശാന്തും എം.കെ. രാഘവന് എംപിയും തമ്മിലുള്ള പോര് അവസാനിക്കുന്ന വേളയിലാണ് കലക്ടറെ രൂക്ഷമായി വിമര്ശിച്ച് വീക്ഷണം രംഗത്തെത്തിയിരിക്കുന്നത്. എംപി ഫണ്ട് വിനിയോഗവും തുക അനുവദിക്കുന്നതിലുള്ള കാലതാമസവും പറഞ്ഞ് കലക്ടര്ക്കെതിരെ രംഗത്ത് വന്നിട്ടും കോണ്ഗ്രസ് നേതാക്കള് ആദ്യം അനുകൂലിച്ച് രംഗത്ത് വന്നില്ല. പ്രമുഖ കോണ്ഗ്രസ് നേതാക്കള് പ്രതികരിച്ചതേയില്ല. എം.കെ. രാഘവന് കോണ്ഗ്രസ് എംപി അല്ലേ, ഗ്രൂപ്പൊന്നുമില്ലാഞ്ഞിട്ടാണോ നേതാക്കള് പ്രതികരിക്കാത്തത് പിണറായി വിജയന് ഇടപെട്ടതോടെയാണ് കലക്ടര് മാപ്പ് പറഞ്ഞത്. കോണ്ഗ്രസ് നേതാക്കള് സ്വന്തം എംപിക്ക് വേണ്ടി രംഗത്ത് വന്നില്ല തുടങ്ങിയ വിമര്ശനങ്ങള് ഉയര്ന്ന പശ്ചാത്തലത്തിലാണ് കലക്ടര്ക്കെതിരെ വീക്ഷണം രംഗത്തെത്തിയിരിക്കുന്നത്. എംപിയുടെ പ്രതിച്ഛായ തകര്ക്കാനാണ് ഐഎഎസ് മദയാന ശ്രമിക്കുന്നതെന്നും സ്വന്തം പ്രശസ്തിയില് ആത്മ രതി നടത്തി ആസ്വദിക്കാന് അദ്ദേഹത്തിന് അവകാശമുണ്ട്. മറ്റുള്ളവരെ കളങ്കിതരാക്കാന് അധികാരമില്ല, മറ്റ് കലക്ടര്മാര്ക്കില്ലാത്ത കൊമ്പ് തനിക്കുണ്ടെന്ന് കോഴിക്കോട് ജില്ലാ കലക്ടര് കരുതുന്നുണ്ടെങ്കില് ആ കൊമ്പ് മുറിക്കാന് സംസ്ഥാന സര്ക്കാര് തയ്യറാവണമെന്നും മുഖപ്രസംഗം ആവശ്യപ്പെടുന്നു. കോഴിക്കോടിന്റെ ചരിത്രം പറഞ്ഞും മുന് കലക്ടര്മരെക്കുറിച്ച് ഓര്മ്മിപ്പിച്ചും, അവരുടെ സ്വഭാവസവിശേഷതകള് പറഞ്ഞും എന്. പ്രശാന്തിനെ ചരിത്രം പഠിപ്പിച്ചുംകൊണ്ടാണ് മുഖപ്രസംഗം ആരംഭിക്കുന്നത്. മാപ്പ് പറഞ്ഞതിന് ശേഷവും കലക്ടര്ക്കുനേരെയുള്ള കോണ്ഗ്രസിന്റെ അസഹിഷ്ണുതയാണ് കോണ്ഗ്രസ് മുഖപത്രം വീക്ഷണത്തിലൂടെ പുറത്തു വന്നിരിക്കുന്നത്.
‘ഊളന്മാര്ക്ക് ഇരിക്കാനുള്ള ഇടമല്ല കലക്ടര്പദം’ കലക്ടറെ അപഹസിച്ച് കോണ്ഗ്രസ് മുഖപത്രം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.