ചങ്ങനാശേരി: കാവാലം നാരായണപ്പണിക്കര് കാലത്തിന് മീതെ സഞ്ചരിച്ച മഹാപ്രതിഭയായിരുന്നുവെന്ന് വയലാര് ശരത്ചന്ദ്രവര്മ്മ. റേഡിയോ മീഡിയാ വില്ലേജിന്റെ ആഭിമുഖ്യത്തില് സംഘടിപ്പിച്ച കാവാലം നാരായണപ്പണിക്കര് അനുസ്മരണ സമ്മേളനത്തില് മുഖ്യപ്രഭാഷണം നടത്തുകയായിരുന്നു അദ്ദേഹം. ജീവിതത്തിന്റെ സ്പന്ദനങ്ങളില് നിന്നുമാണ് ആവിഷ്കാരങ്ങള് ജനിക്കേണ്ടത്. നിഷ്കളങ്കതയോടെ ഗ്രാമജീവിതത്തിന്റെ പ്രമേയങ്ങള് കാവാലം ആവിഷ്കാരങ്ങളുടെ ഭാഗമാക്കി.
നമ്മള് ശ്രദ്ധിക്കാതെ പോകുന്ന നിസ്സാര കാര്യങ്ങള് വലിയ വിസ്മയങ്ങളാക്കി അദ്ദേഹം അവതരിപ്പിച്ചു. ആത്മാവിനെ തൊട്ടുണര്ത്തുന്ന ഒട്ടേറെ ഹൃദ്യ ഗാനങ്ങളും കവിതകളും ആ ഓര്മ്മയെ നിത്യഹരിതമാക്കുന്നുവെന്ന് അദ്ദേഹം കൂട്ടിച്ചേര്ത്തു. സ്റ്റേഷന് ഡയറക്ടര് ഫാ. സെബാസ്റ്റ്യന് പുന്നശ്ശേരി അധ്യക്ഷത വഹിച്ചു. ഫാ. ആന്റണി എത്തക്കാട്ട്, ഫാ. ജോബിന്, അഡ്വ. ടോമി കണയംപ്ലാക്കല്, കെ. വിപിന്രാജ് എന്നിവര് പ്രസംഗിച്ചു. ഷുഹൈബ് ഹമീദ്, അഞ്ജു എന്നിവര് കാവാലം നാരായണപ്പണിക്കരുടെ കവിതയും ഗാനങ്ങളും ചടങ്ങില് അവതരിപ്പിച്ചു.
