ആലുവ: മാതൃഭാഷ വികലമാക്കിയാണ് പലരും ഉപയോഗിക്കുന്നതെന്നും ഇത് വേദനാജനകമാണെന്നും സംഗീതജ്ഞന് കെ.ജി. ജയന്. ആലുവയില് തപസ്യ കലാസാഹിത്യവേദി എറണാകുളം ജില്ലാ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. മലയാളം വാക്കുകള് ഉച്ചരിക്കുന്നത് തെറ്റായിട്ടാണ്. റേഡിയോയിലെ അവതരണം പോലും തെറ്റുകള് നിറഞ്ഞതാണ്. ഭാരതം എന്നതിന് പകരം ബാരതം എന്നൊക്കെയാണ് ഉച്ചരിക്കുക. ഇത് ഭാഷാസ്നേഹികള്ക്ക് വിഷമമുണ്ടാക്കുന്നതാണെന്നും അദ്ദേഹം കൂട്ടിച്ചേര്ത്തു.
വൈദേശിക ശക്തികള്ക്ക് ഭാരതത്തിലെ ചിന്തകരും വഴങ്ങിക്കൊടുത്തതാണ് നമ്മുടെ സംസ്കാരത്തിനേറ്റ വലിയ പ്രഹരമെന്ന് പ്രൊഫ.തുറവൂര് വിശ്വംഭരന് പറഞ്ഞു. ഇത് സ്വാതന്ത്ര്യം ലഭിച്ചപ്പോള് പരിഹരിക്കപ്പെടേണ്ടതായിരുന്നു. എന്നാല് അതിന് താത്പര്യമുള്ള പ്രധാനമന്ത്രിയെ ആയിരുന്നില്ല നമുക്ക് ലഭിച്ചത്. കമ്യൂണിസം പുരോഗനചിന്തയായി തെറ്റിദ്ധരിക്കപ്പെട്ടതും സംസ്കാരത്തെ പിന്നോട്ടടിപ്പിച്ചു. സംസ്കാരം നശിച്ചാല് മാത്രമേ കമ്യൂണിസം വളരുകയുള്ളൂവെന്ന് അതിന്റെ വക്താക്കള് ചിന്തിച്ചു. സംസ്കാരത്തെക്കുറിച്ച് ഉപരിപ്ലവമായ കാഴ്ച്ചപ്പാട് മാത്രമാണ് ഇവര്ക്കുണ്ടായിരുന്നത്. സംസ്കാരം തകര്ത്താല് മാത്രമേ വൈദേശിക ശക്തികള്ക്ക് ആധിപത്യം നേടാനാകൂ. ഇതിനുള്ള പ്രവര്ത്തനം ഒളിഞ്ഞും തെളിഞ്ഞും നടക്കുന്നുണ്ടെന്നും അദ്ദേഹം പറഞ്ഞു. തപസ്യ മാര്ഗ്ഗദര്ശി എം.എ. കൃഷ്ണന്, സംസ്ഥാന ട്രഷറര് കെ.ലക്ഷ്മി നാരായണന്, ക്ലിനിക്കല് സൈക്കോളജിസ്റ്റ് ഡോ.ആര്.ജഗദംബിക, സംവിധായകന് വിനോദ് മങ്കര എന്നിവര് സംസാരിച്ചു. പി.വി.അശോകന് സ്വാഗതവും യു.രാജേഷ് കുമാര് നന്ദിയും പറഞ്ഞു.
തുടര്ന്ന് തപസ്യയുടെ ദൗത്യം എന്ന വിഷയത്തില് ആര്എസ്എസ് മുന് അഖിലഭാരതീയ ബൗദ്ധിക് പ്രമുഖ് ആര്. ഹരി പ്രഭാഷണം നടത്തി. വൈകിട്ട് നടന്ന സമാപന സഭയില് ധര്മപ്രകാശന് ട്രസ്റ്റ് സെക്രട്ടറി എം.മോഹന് അധ്യക്ഷത വഹിച്ചു. പ്രൊഫ.പി.ജി.ഹരിദാസ്, എന്.മോഹനന്നായര്, അജിത് പാനിപ്ര എന്നിവര് സംസാരിച്ചു. അന്തരിച്ച നാടകാചാര്യന് കാവാലം നാരായണപ്പണിക്കര്ക്ക് സമ്മേളനം അനുശോചനം രേഖപ്പെടുത്തി.
