ഇരിട്ടി: കഴിഞ്ഞ ദിവസം അക്രമം നടന്ന കാക്കയങ്ങാട്ടെ എഴു വയസ്സുകാരന് കാര്ത്തിക്കിന്റെ വീട് ബിജെപി ജില്ലാ പ്രസിഡന്റ് പി.സത്യപ്രകാശിന്റെ നേതൃത്വത്തില് സന്ദര്ശിച്ചു. സിപിഎം അക്രമത്തിനെതിരെ ജനകീയ നിര കെട്ടിപ്പടുക്കണമെന്ന് അക്രമം നടന്ന വീട് സന്ദര്ശിച്ച ശേഷം അദ്ദേഹം മാധ്യമ പ്രവര്ത്തകരോട് പറഞ്ഞു. ദളിതര്ക്കും സ്ത്രീകള്ക്കും പാവപ്പെട്ട പിഞ്ചുകുട്ടികള്ക്കും ഒരുപോലെ സിപിഎം അക്രമത്തില് രക്ഷയില്ലെന്ന അവസ്ഥയാണ് ഇപ്പോള്. അക്രമത്തിന്റെ പേരില് ഗിന്നസ് ബുക്കില് സ്ഥാനം പിടിക്കാനുള്ള ശ്രമമാണോ ഇവര് നടത്തുന്നതെന്ന് മാര്ക്സിസ്റ്റുകാര് തുറന്നുപറയണം. സിപിഎമ്മിന്റെ മൃഗീയ അക്രമത്തിനിരയായ കാര്ത്തിക്കിന്റെ വീടിനു നേരെ വീണ്ടും അക്രമം നടത്തിയതിലൂടെ പൈശാചികതയുടെ യഥാര്ത്ഥ മുഖമാണ് സിപിഎം ഇവിടെ വെളിവാക്കുന്നത്. മാര്ക്സിസ്റ്റ് മാടമ്പിത്തരത്തിനും സ്റ്റാലിനിസത്തിനും സെല്ഭരണത്തിനുമെതിരെ എല്ലാ ജനാധിപത്യ വിശ്വാസികളുടെയും ഐക്യ നിര കെട്ടിപ്പടുക്കാന് ബിജെപി തയ്യാറാവുമെന്ന് സത്യപ്രകാശ് സൂചിപ്പിച്ചു.
ബിജെപി ജില്ലാ സിക്രട്ടറി കൂട്ട ജയപ്രകാശ്, മണ്ഡലം സെക്രട്ടറി എന്.വി.ഗിരീഷ്, ബിജെപി മുഴക്കുന്ന് പഞ്ചായത്ത് പ്രസിഡന്റ് വി.മുരളീധരന് എന്നിവരും കാര്ത്തിക്കിന്റെ വീട് സന്ദര്ശിച്ചു.
