തിരുവനന്തപുരം: മഴക്കാലത്തുണ്ടാകുന്ന പകര്ച്ചവ്യാധികള്ക്കെതിരെ സുസജ്ജമാകുവാന് എല്ലാ ജില്ലാ മെഡിക്കല് ഓഫീസര്മാര്ക്കും ആരോഗ്യവകുപ്പിന്റെ ചികിത്സാ മാര്ഗരേഖ. എല്ലാ പകര്ച്ചവ്യാധികളുടെയും ചികിത്സക്കാവശ്യമായ ചികിത്സാമാര്ഗരേഖ സംസ്ഥാനതലത്തില് തയ്യാറാക്കി എല്ലാ മെഡിക്കല് ഓഫീസര്മാര്ക്കും എത്തിച്ചിട്ടുണ്ട്.
ജില്ലാതലത്തില് മെഡിക്കല് ഓഫീസര്മാരുടെ യോഗത്തില് പകര്ച്ചവ്യാധികളേയും ചികിത്സിക്കുന്നതിനാവശ്യമായ ചികിത്സാമാര്ഗരേഖയെ കുറിച്ചുള്ള പരിശീലനം ജില്ലകളിലെ ജനറല്, താലൂക്ക് ആശുപത്രികളിലെ ഫിസിഷ്യന്/പീഡിയാട്രിഷന് ഉള്പ്പെടെയുള്ള ഡോക്ടര്മാര്ക്ക് ഇന്നും ഇന്നലെയുമായി നല്കുകയാണ്. ഇന്നും ഒന്പതിനും നടക്കുന്ന ബ്ലോക്കുതല യോഗങ്ങളില് ബ്ലോക്ക്തല മെഡിക്കല് ഓഫീസര്മാര് ഫീല്ഡ് തല മെഡിക്കല് ഓഫീസര്മാര് ഫീല്ഡ്തല ആരോഗ്യപ്രവര്ത്തകര്ക്ക് പകര്ച്ചവ്യാധി പ്രതിരോധ നിയന്ത്രണമാര്ഗങ്ങളെക്കുറിച്ച് അവബോധം നല്കും. വാര്ഡുതലത്തില് വാര്ഡുതല ആരോഗ്യപോഷണ സമിതിയുടെ നേതൃത്വത്തില് കൊതുകിന്റെ ഉറവിട നശീകരണം, ക്ലോറിനേഷന്, ആരോഗ്യബോധവത്ക്കരണ പ്രവര്ത്തനങ്ങള് ഉള്പ്പെടെയുള്ള പകര്ച്ചവ്യാധി നിയന്ത്രണ പ്രവര്ത്തനങ്ങള് ഊര്ജ്ജിതമായി നടപ്പിലാക്കണം. തൊഴിലുറപ്പ് പദ്ധതി പോലെയുള്ള പ്രവര്ത്തനങ്ങളില് ഏര്പ്പെടുന്നവര്ക്കും കൃഷിപ്പണിക്കാര്ക്കും ഡോക്സിസൈക്ലിന് പ്രതിരോധ ഗുളികകള് ജോലിയില് ഏര്പ്പെടുത്തുന്നതിന് രണ്ടുദിവസം മുന്പുതന്നെ നല്കുവാനുള്ള നിര്ദ്ദേശവും നല്കിയിട്ടുണ്ട്. ആരോഗ്യവകുപ്പ് ഡയറക്ടര് അറിയിച്ചു. എല്ലാ ആശുപത്രികളിലും പ്രത്യേക ക്ലിനിക്കുകളും വാര്ഡുകളും ആരംഭിച്ചതായും ആരോഗ്യവകുപ്പ് ഡയറക്ടര് അറിയിച്ചു.
