തിരുവല്ല: ഗാര്ഹികാവശ്യങ്ങളുമായി ബന്ധപ്പെട്ട കയറ്റിറക്ക് ജോലികള് ചെയ്യുന്നതിന് തൊഴിലുടമക്ക് ഇഷ്ടമുള്ള ആള്ക്കാരെ നിയോഗിക്കാനുള്ള ഉത്തരവിന് പ്രകാരം കയറ്റിറക്ക് നടത്താന് ശ്രമിച്ച തൊഴിലുടമയെ ഭീഷണിപ്പെടുത്തി യൂനിയന് തൊഴിലാളികള് ജോലിയിലിടപെട്ട് ബുദ്ധിമുട്ടുണ്ടാക്കിയതായി പരാതി. മുത്തൂര് ഷംസില് അഷറഫ് സൈനുദ്ദീനാണ് പരാതിക്കാരന്.അഷറഫിനു വേണ്ടി ഇന്റര്ലോക്ക് ഇഷ്ടിക അന്യസംസ്ഥാന തൊഴിലാളികളെ ഉപയോഗിച്ച് വാഹനത്തില് നിന്നും ഇറക്കാന് ശ്രമിച്ചപ്പോഴായിരുന്നു സി.പി.എം, സി.പി.ഐ പ്രദേശിക നേതാക്കളുടെ ഇടപെടല്. മുമ്പൊരിക്കല് തടി കയറ്റിറക്കുമായി ബന്ധപ്പെട്ട് നോക്കുകൂലി യൂനിയന് തൊഴിലാളികള് ആവശ്യപ്പെട്ട അനുഭവത്തിന്റെ വെളിച്ചത്തില് ഇന്റര്ലോക്ക് ഇഷ്ടികയുടെ കാര്യത്തില് പോലീസ് സംരക്ഷണം ലഭിക്കുന്നതില് അസി. ലേബര് ഓഫീസറുടെ പക്കല് നിന്നും അനുമതി അഷറഫ് നേടിയിരുന്നു. ഇതിന് പ്രകാരം അഷറഫ് പോലീസിനെ സമീപിച്ചപ്പോള് സംരക്ഷണത്തിനു പകരം ലോഹ്യത്തില് പ്രശ്നം പരിഹരിക്കാനായിരുന്നു പോലീസ് അഷറഫിന് നല്കിയ നിര്ദ്ദേശം. ഒടുവില് യൂനിയന് തൊഴിലാളികള് തന്നെ ഇഷ്ടിക വാഹനത്തില് നിന്നും ഇറക്കി അഷ്റഫില് നിന്നും കൂലി ഈടാക്കി.നിയമപരമായ അവകാശങ്ങള്ക്കെതിരെ യൂനിയന് തൊഴിലാളികള് ഭീഷണി ഉയര്ത്തി അസഭ്യം പുലമ്പി തടസ്സമുണ്ടാക്കിയ സംഭവത്തില് മനംനൊന്ത് അഷറഫ് ഡെപ്യൂട്ടി ലേബര് കമ്മീഷണര്ക്ക് പരാതി നല്കിയിരിക്കയാണ്.
നോക്ക്കൂലി ആവശ്യപ്പെട്ട് ഇടത് നേതാക്കളുടെ ഭീഷണി
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.