മുംബൈ: വെസ്റ്റിന്ഡീസ് പര്യടനത്തിനുള്ള പതിനേഴംഗ ഇന്ത്യന് ടെസ്റ്റ് ക്രിക്കറ്റ് ടീമില് മുംബൈ പേസ് ബൗളര് ഷര്ദുള് താക്കൂര് പുതുമുഖം. പരിക്കു മൂലം വിട്ടുനില്ക്കുകയായിരുന്ന മുഹമ്മദ് ഷാമിയും ടീമില് തിരിച്ചെത്തി. ദക്ഷിണാഫ്രിക്കയ്ക്കെതിരെ നാട്ടില് നടന്ന ടെസ്റ്റ് പരമ്പരയില് ടീമിലുണ്ടായിരുന്ന പേസര് വരുണ് ആറോണും ഗുര്കീരത് സിങ് മന്നും പുറത്ത്. വിരാട് കോഹ്ലി നയിക്കുന്ന ടീമിന്റെ ഉപനായകന് അജിങ്ക്യ രഹാനെ.
കഴിഞ്ഞ രണ്ടു രഞ്ജി സീസണില് നടത്തിയ തകര്പ്പന് പ്രകടനമാണ് ഷര്ദുള് താക്കൂറിനെ ടെസ്റ്റ് ടീമിലെത്തിച്ചത്. 2014-15 സീസണില് 48 വിക്കറ്റും കഴിഞ്ഞ സീസണില് 41 വിക്കറ്റും നേടി ഷര്ദുള്. ഇത്തവണ മുംബൈയെ കിരീടത്തിലേക്ക് നയിച്ചത് ഷര്ദുളിന്റെ പ്രകടനം. ഓസ്ട്രേലിയ, ദക്ഷിണാഫ്രിക്ക എ ടീമുകള്ക്കെതിരെ ഇന്ത്യയില് നടന്ന ചതുര്ദിന മത്സര പരമ്പരകളില് ഇന്ത്യ എയുടെ ഭാഗമായിരുന്നു താരം. ഷാമിക്കും ഷര്ദുളിനും പുറമെ ഇഷാന്ത് ശര്മ, ഭുവനേശ്വര് കുമാര്, ഉമേഷ് യാദവ് എന്നിവര് വിന്ഡീസില് ഇന്ത്യന് പേസ് ബൗളിങ്ങിനെ നയിക്കും. ആര്. അശ്വിനും, അമിത് മിശ്രയും രവീന്ദ്ര ജഡേജയും സ്പിന്നര്മാരുടെ റോളുകള് നിര്വഹിക്കും.
അജിങ്ക്യ രഹാനെയെ ഉപനായകനാക്കിയതാണ് മറ്റൊരു പ്രധാന തീരുമാനം. ഇരുവര്ക്കും പുറമെ എം. വിജയ്, ശിഖര് ധവാന്, കെ.എല്. രാഹുല്, ചേതേശ്വര് പൂജാര, രോഹിത് ശര്മ, വിക്കറ്റ് കീപ്പര് വൃദ്ധിമാന് സാഹ എന്നിവര് ബാറ്റിങ്ങിലെ കരുത്തര്. ഓള്റൗണ്ടറായി സ്റ്റുവര്ട്ട് ബിന്നിയും സ്ഥാനം നിലനിര്ത്തി. മുംബൈയില് സെലക്ഷന് കമ്മറ്റി ചെയര്മാന് സന്ദീപ് പാട്ടീലിന്റെ അധ്യക്ഷതയില് ചേര്ന്ന യോഗമാണ് ടീമിനെ തെരഞ്ഞെടുത്തത്. ട്വന്റി20 ലോകകപ്പിനു മുന്പ് ദക്ഷിണാഫ്രിക്കയ്ക്കെതിരെ നടന്ന പരമ്പരയ്ക്കു ശേഷം നീണ്ട ഇടവേള കഴിഞ്ഞാണ് ഇന്ത്യ വീണ്ടും ടെസ്റ്റ് മൈതാനത്ത് ഇറങ്ങുന്നത്.
ടീം: വിരാട് കോഹ്ലി (നായകന്), അജിങ്ക്യ രഹാനെ (ഉപനായകന്), എം. വിജയ്, ശിഖര് ധവാന്, കെ.എല്. രാഹുല്, ചേതേശ്വര് പൂജാര, രോഹിത് ശര്മ, വൃദ്ധിമാന് സാഹ (വിക്കറ്റ് കീപ്പര്), ആര്. അശ്വിന്, അമിത് മിശ്ര, രവീന്ദ്ര ജഡേജ, ഇഷാന്ത് ശര്മ, മുഹമ്മദ് ഷാമി, ഭുവനേശ്വര് കുമാര്, ഉമേഷ് യാദവ്, ഷര്ദുള് താക്കൂര്, സ്റ്റുവര്ട്ട് ബിന്നി.
