അയ്മനം: ജന്മനാ അന്ധനായ സുഭാഷി(40)ന് ദേവീദര്ശനം മുടക്കാനായില്ല. ജന്മനാടായ തട്ടുങ്കലില് പുതിയതായി നിര്മ്മിച്ച ക്ഷേത്രത്തിന്റെ സമര്പ്പണത്തിലും പ്രതിഷ്ഠാ കര്മ്മത്തിലും ബ്രഹ്മകലശാഭിഷേകത്തിലും പങ്കെടുക്കാന് സുഭാഷും ക്ഷേത്രപരിസരത്തുണ്ടായിരുന്നു. ഒറ്റയ്ക്കല്ല ഭാര്യ കൂവപ്പള്ളി സ്വദേശിനി അന്ധയായ റോസമ്മ(36)യോടൊപ്പം. ക്ഷേത്രത്തിന് സമീപമാണ് സുഭാഷിന്രെ ജന്മവീട്. ഇപ്പോള് ആര്പ്പൂക്കര കരിപ്പയില് വാടകയ്ക്ക് താമസിക്കുന്ന ഇദ്ദേഹത്തിന്റെ വരുമാന മാര്ഗം ലോട്ടറി കച്ചവടമാണ്. സര്ക്കാരില്നിന്നും ലഭിക്കുന്ന വികലാംഗ പെന്ഷന് ഒന്നിനും തികയുന്നില്ല. ഒളശ അന്ധവിദ്യാലയത്തില് അന്തേവാസിയായി കുടമാളൂര് ഗവ. ഹൈസ്കൂളില് പത്താംക്ലാസ് വരെ പഠിച്ചു. രണ്ടുവര്ഷങ്ങള്ക്ക് മുമ്പാണ് റോസമ്മ സുഭാഷിന്റെ സഹധര്മ്മിണിയായി എത്തിയത്. ദുരിതപൂര്ണ്ണമായ ജീവിതത്തില് ഇവരോടൊപ്പം അന്ധരായ തിരുവല്ല സ്വദേശിനി കുഞ്ഞുമോളും എറണാകുളം സ്വദേശിനി സുധയുമുണ്ട് പരസ്പരം സഹായികളും കൂട്ടുകാരുമായി. സ്വന്തമായി ഒരുവീട് എന്നതാണ് സുഭാഷിന്റെ ആവശ്യം. ഇതിനായി സന്മനസുകളുടെ സഹായവും അദ്ദേഹം പ്രതീക്ഷിക്കുന്നു.
സുഭാഷിന് ദേവീദര്ശനം അകക്കണ്ണിലൂടെ
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.