ന്യൂദല്ഹി: നമ്മുടെ രാജ്യത്തെ ആയിരകണക്കിന്, ലക്ഷക്കണക്കിന് യുവാക്കള്ക്കിടയില് കായിക മേഖലയോട് അത്യധികം താല്പര്യമുണ്ടായിട്ടുണ്ടെന്നു പ്രധാനമന്ത്രി നരേന്ദ്ര മോദി. മന് കീ ബാത് പരിപാടിയില് സംസാരിക്കുകയായിരുന്നു അദ്ദേഹം.
ഞാന് എന്റെ സ്വന്തം അനുഭവംകൊണ്ട് സാക്ഷ്യപ്പെടുത്തുകയാണ്. ക്രിക്കറ്റില് ഭാരതജനതയുടെ അതിയായ താല്പര്യം നാം കണ്ടിട്ടുണ്ട്. എന്നാല് ഫുട്ബോളിലും അത്ര തന്നെ താല്പര്യം ഉണ്ടെന്നുളളത് ഏറെ സന്തോഷകരമാണ്. അവര് സ്വയം വിപുലവും ഭാസുരവുമായ ഒരു ഭാവിയിലേയ്ക്കാണ് വിരല് ചൂണ്ടുന്നത്.
അതുകൊണ്ട് റിയോ ഒളിമ്പിക്സിന് വേണ്ടി മാത്രമല്ല നമ്മുടെ എല്ലാ കായികതാരങ്ങളെയും ഇഷ്ടപ്പെട്ട് നാം സന്തോഷത്തിന്റെയും ഉത്സാഹത്തിന്റെയും അന്തരീക്ഷമാണ് വരുന്ന നാളുകളില് ഒരുക്കേണ്ടത്. ഓരോന്നിനെയും ജയാപജയങ്ങളുടെ ഉരകല്ലില് ഉരയ്ക്കാതെ സ്പോര്ട്സ്മാന് സ്പിരിറ്റോടെ ഭാരതം ലോകത്തിന് മുന്നില് സ്വന്തം മുദ്ര ചാര്ത്തണം.എന്റെ പ്രിയപ്പെട്ട ദേശവാസികളോടുളള അപേക്ഷയായി കരുതി നമ്മുടെ കായിക രംഗത്തെ സുഹൃത്തുക്കള്ക്കായി ഉത്സാഹത്തിന്റെയും സന്തോഷത്തിന്റെയും ഒരു അന്തരീക്ഷം ഒരുക്കാന് നമുക്കൊരുമിക്കാം, മോദി പറഞ്ഞു.
