കോട്ടയം: സിന്ദൂര തിലകവും പുഷ്പഹാരങ്ങളുമായി എന്ഡിഎ സ്ഥാനാര്ത്ഥി എ.ജി തങ്കപ്പന് നീണ്ടൂര് ഗ്രാമപഞ്ചായത്തില് സ്നേഹോഷ്മളമായ വരവേല്പ്പ്. ഇന്നലെ രാവിലെ കൈപ്പുഴ ശാസ്താങ്കല് കവലയിലെ അയ്യങ്കാളി പ്രതിമയില് പുഷ്പാര്ച്ചന നടത്തിയശേഷമാണ് അഞ്ചാം ദിവസത്തെ മണ്ഡലപര്യടനത്തിന് തുടക്കം കുറിച്ചത്. രാവിലെ എന്എസ്എസ് കരയോഗം മുന് സെക്രട്ടറി രവീന്ദ്രനാഥ് സ്ഥാനര്ത്ഥിയുടെ മണ്ഡലപര്യടനം ഉദ്ഘാടനം ചെയ്തു. പി.സുധാകരന് അദ്ധ്യക്ഷതവഹിച്ചു. എന്ഡിഎ ഘടകകക്ഷി നേതാക്കളായ വി.എം ശശി, ആര്.രാജീവ്, പി.അനില്കുമാര്, സുനീഷ്, കെ.പി സന്തോഷ്, ഷൈലജ രവീന്ദ്രന് തുടങ്ങിയവര് പ്രസംഗിച്ചു. അപ്പര്കുട്ടനാടന് ഗ്രാമങ്ങളായ പാലത്തുരുത്ത്, കുട്ടുവന്പുറം, കുര്യാറ്റുകോളനി, കടില്ക്കവല, പള്ളിത്താഴെ, ആശുപത്രിപ്പടി, കൈപ്പുഴക്കവല, വാസ്കോജംഗ്ഷന്, അരവിന്ദക്ഷേത്രം, പടിഞ്ഞാറേ നട, പാറപ്പുറം എന്എസ്എസ് കരയോഗം, മൂഴിക്കുളങ്ങര, പാറേപ്പള്ളി, ചാമക്കാല, സികെകവല, കല്ലിങ്കല് കോളനി, ആയിരവേലി വഴി വൈകിട്ട് പ്രാവട്ടംകവലയില് പര്യടനം സമാപിച്ചു. ഹാരാര്പ്പണത്തിനൊപ്പം കാര്ഷികമേഖലയിലെ പരിദേവനങ്ങളും കണ്ണീര്ക്കഥകളുമായി തന്നെ സമീപിച്ച വോട്ടര്മാര്ക്ക് വിജയിച്ചുവന്നാല് നടപ്പിലാക്കാനുദ്ദേശിക്കുന്ന പദ്ധതികളും അന്ധമായ രാഷ്ട്രീയ വിരോധം കാരണം കേരളത്തില് നടപ്പിലാക്കാതെ പോകുന്ന കേന്ദ്രാവിഷ്കൃത പദ്ധതികളുടെ നഷ്ടക്കണക്കും അക്കമിട്ട് നിരത്തിയായിരുന്നു സ്ഥാനാര്ത്ഥിയുടെ പ്രസംഗം. കഴിഞ്ഞദിവസം കുമരകം മേഖലയില് ആരതിയുഴിഞ്ഞാണ് സ്ഥാനാര്ത്ഥിയെ വരവേറ്റതെങ്കില് ഇന്നലെ കൈപ്പുഴയില് സിന്ദൂരത്തിലകവും പുഷ്പഹാരങ്ങളുമായിരുന്നു വോട്ടര്മാര് കരുതിവച്ചിരുന്നത്. ഓണം തുരുത്ത് മാതൃസമിതിയുടെ നേതൃത്വത്തിലാണ് സ്ഥാനാര്ത്ഥിയെ സിന്ദൂരത്തിലകം ചാര്ത്തിച്ചത്. മൈലാടും പാറ ഭവാനിയമ്മ, ആഞ്ഞിലിത്തടം മാധവിയമ്മ എന്നീ വൃദ്ധമാതാക്കളുടെ ഹാരാര്പ്പണവും എന്.ഡി.എ പ്രവര്ത്തകര്ക്ക് ഏറെ പ്രചോതനമായി. മണ്ഡലപര്യടനത്തിനിടെ വഴിത്തലയ്ക്കല് വാവ എന്ന ആളിന്റെ നിര്യാണത്തില് ദു:ഖാര്ത്തരായ ബന്ധുക്കളെ ആശ്വസിപ്പിക്കാനും എ.ജി തങ്കപ്പന് സമയം കണ്ടെത്തി. ഇന്നത്തെ സ്ഥനാര്ത്ഥിയുടെ പര്യടനം അയ്മനം ഗ്രാമപഞ്ചായത്തിലെ പുളിന്ചോട് കവലയില് തുടങ്ങി കുടയംപടിയില് പര്യവസനിക്കും.
എ.ജി.തങ്കപ്പന് നീണ്ടൂര് ഗ്രാമപഞ്ചായത്തില് സ്നേഹോഷ്മളമായ വരവേല്പ്പ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.