ആലപ്പുഴ: ജി. സുധാകരന് സഹകരണവകുപ്പ് മന്ത്രിയായിരിക്കെ ആലപ്പുഴ ആസ്ഥാനമായി ആരംഭിച്ച മംഗല്യസൂത്ര പദ്ധതിയിലൂടെ വന്ന പണം എന്തുചെയ്തുവെന്ന് വ്യക്തമാക്കണമെന്ന് ബിജെപി ദക്ഷിണ മേഖലാ പ്രസിഡന്റ് വെള്ളിയാകുളം പരമേശ്വരന് ആവശ്യപ്പെട്ടു.
നിര്ദ്ധന യുവതികളുടെ മംഗല്യം നടത്തുന്നതിനു വേണ്ടിയാണ് മംഗല്യസൂത്രപദ്ധതി ആരംഭിക്കുന്നതെന്നാണ് സുധാകരന് അന്ന് വ്യക്തമാക്കിയത്. സഹകരണ വകുപ്പിലൂടെയാണ് പദ്ധതി നടപ്പിലാക്കിയതും. വര്ഷങ്ങള് പലതുകഴിഞ്ഞിട്ടും പദ്ധതിയിലൂടെ വന്ന പണം എന്തുചെയ്തുവെന്നറിയാന് കേരളത്തിലെ വോട്ടര്മാര്ക്ക് ആഗ്രഹമുണ്ട്. മംഗല്യസൂത്രപദ്ധതിയുടെ ചുമതലക്കാരിയായിരുന്നു കായംകുളം മണ്ഡലം സിപിഎം സ്ഥാനാര്ത്ഥി കൂടിയായ പ്രതിഭാഹരി.
സുധാകരന്റെ അഡീഷണല് പിഎസ്സ് ആയിരുന്ന രാജശേഖരനായിരുന്നു പദ്ധതിയുടെ വൈസ്ചെയര്മാന്. എത്ര കോടി രൂപ ആ കാലയളവിലൂടെ പദ്ധതിയില് എത്തിച്ചേര്ന്നു. ഇതിനോടകം എത്ര നിര്ദ്ധനയുവതികളെ ഈ പദ്ധതിയിലൂടെ വിവാഹം ചെയ്ത് അയക്കാന് സഹായിച്ചു എന്നീ കാര്യങ്ങള് വ്യക്തമാക്കന് സുധാകരനും പ്രതിഭാഹരിയും തയ്യാറാകണമെന്ന് വെള്ളിയാകുളം പരമേശ്വരന് ആവശ്യപ്പെട്ടു.
