മുംബൈ: ഏതാനും ആഴ്ചകള്ക്കു മുന്പ് ജീവനൊടുക്കിയ പ്രമുഖ ഹിന്ദി ടിവി താരവും മോഡലുമായ പ്രത്യൂഷാ ബാനര്ജി ഗര്ഭം ധരിച്ചിരുന്നതായും ജീവനൊടുക്കുന്നതിന് ദിവസങ്ങള്ക്കു മുന്പ് അത് അലസിപ്പിച്ചതായും മെഡിക്കല് പരിശോധനയില് കണ്ടെത്തി. കാമുകന് രാഹുല് രാജ് സിങുമായി തെറ്റിപ്പിരിഞ്ഞ ശേഷമാണ് പ്രത്യൂഷ ജീവനൊടുക്കിയത്. കേസില് ഇയാളെ പോലീസ് അറസ്റ്റു ചെയ്ത് ചോദ്യം ചെയ്തിരുന്നു. ആത്മഹത്യാ പ്രേരണക്കുറ്റമാണ് രാഹുലില് ചുമത്തിയിട്ടുള്ളത്.
ഏപ്രില് ഒന്നിനാണ് പ്രത്യൂഷ ജീവനൊടുക്കിയത്. അതിന് ദിവസങ്ങള്ക്കു മുന്പ് അവര് ഗര്ഭം അലസിപ്പിച്ചെന്നാണ് റിപ്പോര്ട്ട്. എന്നാല് ഗര്ഭത്തിന് ഉത്തരവാദിയെ കണ്ടെത്തുക പ്രയാസമാണെന്നും റിപ്പോര്ട്ടിലുണ്ട്. അലസിപ്പിച്ച് ദിവസങ്ങള് കഴിഞ്ഞതിനാല് ഇതുമായി ബന്ധപ്പെട്ട കോശങ്ങള് ലഭിക്കുക എളുപ്പമല്ല. എന്നാല് പ്രത്യൂഷയുടെ ഉദരത്തില് നിന്ന് ലഭിച്ച ചില കോശങ്ങളില് നിന്ന് ഗര്ഭസ്ഥ ശിശുവിന്റെ ഡിഎന്എ വേര്തിരിച്ചെടുക്കാന് കഴിയുമെന്നും അങ്ങനെ പിതൃത്വം നിശ്ചയിക്കാന് കഴിയുമെന്നും ചില മുതിര്ന്ന ഫോറന്സിക് ഉദ്യോഗസ്ഥര് പറഞ്ഞു.
