കണ്ണൂര്: ആറ് പുതിയ പഞ്ചനക്ഷത്ര ബാര് ഹോട്ടലുകള്ക്ക് ലൈസന്സ് നല്കിയതില് അസ്വാഭാവികതയില്ലെന്ന് മുഖ്യമന്ത്രി ഉമ്മന്ചാണ്ടി. കണ്ണൂര് പ്രസ്ക്ലബ്ബില് മുഖാമുഖം പരിപാടിയില് സംസാരിക്കുകയായിരുന്നു അദ്ദേഹം. പഞ്ചനക്ഷത്ര ഹോട്ടലുകള് സംസ്ഥാന സര്ക്കാരിന്റെ നിയന്ത്രണത്തിലല്ല. അതു കൊണ്ട് തന്നെ സംസ്ഥാനസര്ക്കാരിന്റെ നിയന്ത്രണത്തില് വരുന്ന ത്രീ സ്റ്റാര്, ഫോര് സ്റ്റാര് ബാറുകള്ക്ക് അനുമതി നല്കില്ലെന്നും അദ്ദേഹം പറഞ്ഞു. കോണ്ഗ്രസ്സിനും യുഡിഎഫിനും ഇടയില് വിള്ളലുണ്ടായാല് മാത്രമെ തെരഞ്ഞെടുപ്പില് യുഡിഎഫിന് പരാജയം സംഭവിച്ചിക്കുകയുള്ളുവെന്നും നിലവില് ഐക്യത്തോടെയാണ് പോകുന്നതെന്നും അദ്ദേഹം പറഞ്ഞു. ഒരു ജനാധിപത്യ വ്യവസ്ഥിതിയുടെ ഭാഗമായാണ് വിമതന്മാരുമായി ചര്ച്ച നടത്തിയത്. പി.കെ. രാഗേഷുമായി ചര്ച്ച നടത്തിയിരുന്നുവെങ്കിലും അത് ഫലം കണ്ടില്ല. രാഗേഷിനെ പാര്ട്ടിയില് നിന്ന് പുറത്താക്കിയ സ്ഥിതിക്ക് ഇനിയൊരു ചര്ച്ചയില്ലെന്ന് ഡിസിസി പ്രസിഡന്റ് കെ. സുരേന്ദ്രന് പറഞ്ഞുവെങ്കില് അത് തന്നെയാണ് തന്റെയും അഭിപ്രായമെന്നും ഉമ്മന്ചാണ്ടി പറഞ്ഞു. പരിപാടിയില് പ്രസ്ക്ലബ്ബ് പ്രസിഡന്റ് കെ.ടി.ശശി അധ്യക്ഷത വഹിച്ചു. സെക്രട്ടറി എന്.പി.സി രഞ്ജിത്ത് സ്വാഗതം പറഞ്ഞു.
ആറ് പുതിയ പഞ്ചനക്ഷത്ര ബാര് ഹോട്ടലുകള്ക്ക് ലൈസന്സ് നല്കിയതില് അസ്വാഭാവികതയില്ല: ഉമ്മന് ചാണ്ടി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.