പള്ളുരുത്തി: തൃപ്പൂണിത്തുറ മണ്ഡലം ബിജെപി സ്ഥാനാര്ത്ഥി പ്രൊഫ.തുറവൂര് വിശ്വംഭരന് പള്ളുരുത്തിയിലെ പ്രധാനവ്യക്തികളെ സന്ദര്ശിച്ചു. തിങ്കളാഴ്ച രാവിലെ ശ്രീഭവാനീശ്വര ക്ഷേത്രദര്ശനത്തിനു ശേഷമായിരുന്നു സന്ദര്ശനം ആരംഭിച്ചത്. സാഹിത്യകാരന് എം.വി.ബെന്നിയുടെ വീട് സന്ദര്ശിക്കുന്ന വേളയില് മാസ്റ്ററുടെ പൂര്വ്വവിദ്യാര്ത്ഥികൂടിയായ ബെന്നി കുറച്ചുപണം കയ്യില് നല്കി.
മാസ്റ്റര്ക്ക് ശിഷ്യന് നല്കുന്ന ഗുരുദക്ഷിണയായി ഇത് കരുതണം. വിശ്വംഭരന് മാസ്റ്റര് സന്തോഷത്തോടെ തുക സ്വീകരിച്ചു. മഹാരാജാസ് കോളേജിലെ മാഷിന്റെ ക്ലാസ്സുകളെക്കുറിച്ച് എം.വി.ബെന്നി പിന്നീട് മനസ്സുതുറക്കുകയായിരുന്നു. ഗുരുശിഷ്യബന്ധത്തിന്റെ ആഴം മനസ്സിലാക്കുന്ന സന്ദര്ഭമായിരുന്നു അത്. പിന്നീട് സംഗീതസംവിധായകന് എം.കെ.അര്ജ്ജുനന് മാസ്റ്ററുടെ വീടു സന്ദര്ശിച്ചു. വിശ്വംഭരന് മാഷിന് അര്ജ്ജുനന് മാസ്റ്റര് പൂര്ണ്ണപിന്തുണ പ്രഖ്യാപിച്ചു. ഇവിടെ നല്ലയാളുകള് വരണം എന്ന് സമൂഹം ആഗ്രഹിക്കുന്നു. അത് മാസ്റ്ററുടെ വരവോടുകൂടി സാദ്ധ്യമാകട്ടെ, അര്ജ്ജുനന് മാസ്റ്റര് പറഞ്ഞുനിര്ത്തി. സിനിമ-സീരിയല് താരം സാജന് പള്ളുരുത്തി, എസ്ഡിപിവൈ സ്കൂള് മാനേജര് വി.കെ. പ്രദീപ്, എസ്എന്ഡിപി കൊച്ചി താലൂക്ക് യൂണയന് പ്രസിഡന്റ് എ.കെ.സന്തോഷ്, യൂണിയന് കൗണ്സിലംഗം പി.എസ്.സൗഹാര്ദ്ദന്, പള്ളുരുത്തി സുബൈര്, ടി.കെ.ഷംസുദ്ദീന്, ജോസ്ക്രിസ്റ്റഫര് എന്നിവരേയും പ്രദേശത്തെ വിവിധ ആരാധനാലയങ്ങളിലും അദ്ദേഹം സന്ദര്ശനം നടത്തി. വിചാരകേന്ദ്രം ജന.സെക്രട്ടറി സുധീര്, ബിജെപി നേതാക്കളായ സോമനാഥന്, വിജയകുമാര്, കെ.ഡി.ദയാപരന്, കെ.കെ.റോഷന്കുമാര്, കെ.എം.രതീഷ്, എം.എസ്.രാജേഷ്, സി.ആര്.സോമന്, ടി.എ.സുരേഷ് ബാബു, ഹിന്ദുഐക്യവേദി താലൂക്ക് സെക്രട്ടറി പി.പി.മനോജ്, ജോയികുപ്പക്കാട്ട് എന്നിവര് സ്ഥാനാര്ത്ഥിക്കൊപ്പമുണ്ടായിരുന്നു.
