പ്യോംഗ്യാങ്: ഫെയ്സ്ബുക്ക്, യൂടൂബ്, ട്വിറ്റര്, തുടങ്ങിയതടക്കമുള്ള സാമൂഹ്യ മാധ്യമങ്ങള്ക്ക് ഉത്തരകൊറിയയില് വിലക്കേര്പ്പെടുത്തി. ഓണ്ലൈനില് വിവരങ്ങള് പടരുന്നതില് ആശങ്കകൊണ്ടാണ് നടപടി.
വാര്ത്താവിനിമയ മന്ത്രാലയത്തിന്റെ പ്രഖ്യാപനം രാജ്യത്തെ പ്രമുഖ മൊബൈല് സേവന ധാതാക്കളായ കൊറിയോലിങ്കാണ് പുറത്തുവിട്ടത്. ഉത്തരകൊറിയയില് ഇന്റര്നെറ്റ് സേവനം ലഭ്യമാകുന്നത് വളരെ കുറച്ച് പേര്ക്ക് മാത്രമാണ്. ഇവര് ഉപയോഗിക്കുന്നതാകട്ടെ സര്ക്കാര് അനുമതിയുള്ള ഇന്ട്രാനെറ്റും. അതിനാല് ഇപ്പോഴത്തെ വിലക്ക് ഉത്തരകൊറിയയിലെ സാധാരണ ജനങ്ങളെ കാര്യമായി ബാധിക്കില്ല.
പുതിയ നിരോധനം മൂലം രാജ്യം സന്ദര്ശിക്കുന്നവര്ക്കും അവിടുള്ള വിദേശികള്ക്കും രാജ്യത്തെ കുറിച്ചുള്ള വിവരങ്ങള് പുറത്തുവിടാന് കഴിയാത്ത അവസ്ഥയാണ്. രാജ്യത്തെ കുറിച്ചുള്ള ഒരു കാര്യവും എങ്ങുനിന്നും അറിയാന് കഴിയാത്ത അവസ്ഥയും ഇത് മൂലമുണ്ടാകും.
നിശ്ചിതമായ സമയപരിധിവരെയാണ് യൂടൂബ്, ഫേസ്ബുക്ക് തുടങ്ങിയ സൈറ്റുകള് നിരോധിക്കുമെന്ന് പ്രഖ്യാപിച്ചിട്ടുള്ളത്. ഇവ കൂടാതെ ചൂതാട്ടസൈറ്റുകളും പോണ്സൈറ്റുകളും തടയുമെന്ന് മന്ത്രാലയം അറിയിച്ചിട്ടുണ്ട്. മാസങ്ങളോളം ഈ നിരോധനം ഉണ്ടാകുമെന്നാണ് കരുതുന്നത്.
ആരെങ്കിലും ഏതെങ്കിലും തരത്തില് ഇത്തരം സൈറ്റുകള് ഉപയോഗിക്കാന് ശ്രമിക്കുകയാണെങ്കില് ഉത്തരകൊറിയന് നിയമമനുസരിച്ച് അവര്ക്ക് ശിക്ഷ നല്കുമെന്നും അധികൃതര് വ്യക്തമാക്കിയിട്ടുണ്ട്.
