കണ്ണൂര്: പൊടുക്കുണ്ടില് കഴിഞ്ഞ 24ന് രാത്രി അനധികൃതമായി സൂക്ഷിച്ച സ്ഫോടക വസ്തുക്കള് പൊട്ടിത്തെറിച്ചുണ്ടായ നാശനഷ്ടം സംബന്ധിച്ച് പുനര് പരിശോധന നടത്തുന്നതിനും നിര്ണ്ണയിക്കുന്നതിനും കോര്പ്പറേഷനു കീഴിലുള്ള എഞ്ചിനിയറെ നിയോഗിക്കാന് ജില്ലാ കലക്ടര് പി.ബാലകിരണ് ഉത്തരവിട്ടു. ആക്ഷന് കമ്മറ്റി ഭാരവാഹികള് ജനപ്രതിനിധികളായ പി.കെ.ശ്രീമതി എം.പി, എംഎല്മാരായ കെ.എം.ഷാജി, ജെയിംസ് മാത്യു, ബിജെപി സംസ്ഥാന സമിതി അംഗം കെ.രഞ്ചിത്ത് എന്നിവരുടെ നേതൃത്വത്തില് സ്ഫോടനത്തിന്റെ നാശനഷ്ടക്കണക്ക് വ്യക്തിഗതമായി ബോധിപ്പിക്കുവാന് അവസരമൊരുക്കണമെന്ന് കണ്ണൂര് കലക്ടര്ക്ക് നല്കിയ നിവേദനങ്ങളുടെ അടിസ്ഥാനത്തിലാണ് തീരുമാനം. മേയര് ഇ.പി.ലത ജില്ലാ പഞ്ചായത്ത് പ്രസിഡണ്ട് കെ.വി.സുമേഷ്, കൗണ്സിലര് ടി.രവീന്ദ്രന്, കമ്മറ്റി ഭാരവാഹികള് എന്നിവരുടെ സാന്നിധ്യത്തില് ദുരന്തമനുഭവിക്കുന്നവര്ക്ക് തൃപ്തിയാകുന്ന വിധത്തില് കൃത്യമായി നഷ്ടം പുനര് നിര്ണ്ണയിക്കാനാണ് ഉത്തരവായത്. പുനര് നിര്ണ്ണയത്തിനായി ഉദ്യോഗസ്ഥര് സ്ഥലത്തെത്തുന്ന ദിവസങ്ങളില് നാശനഷ്ടം സംഭവിച്ച പ്രദേശ വാസികള് സ്ഥലത്തുണ്ടാവണമെന്നും സംശയ നിവാരണത്തിന് 9895030965, 9495262005, 9497433128 എന്നീ നമ്പറുകളില് ബന്ധപ്പെടണമെന്നും ഏക്ഷന് കമ്മറ്റി കണ്വീനര്മാരായ പ്രഭാകരന് കൊയിലി, ജയനാരായണന് എന്നിവര് പറഞ്ഞു.
പൊടിക്കുണ്ട് സ്ഫോടനം : നഷ്ടപരിഹാര പുനര് നിര്ണ്ണയത്തിന് കോര്പ്പറേഷന് എഞ്ചിനിയറെ നിയോഗിക്കാന് കലക്ടറുടെ ഉത്തരവ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.