2
മട്ടാഞ്ചേരി: സംഗീതജ്ജന്‍ അഗസ്റ്റിന്‍ ജോസഫ് ഭാഗവതരുടെ ഓര്‍മ്മകളുമായി മകന്‍ ഗാന ഗന്ധര്‍വ്വന്‍ ഡോ. കെ.ജെ. യേശുദാസ് ജന്മദേശമായ ഫോര്‍ട്ടുകൊച്ചി അധികാരി വളപ്പ് കപ്പേളയിലെത്തി നേര്‍ച്ചസദ്യയും സംഗീതാര്‍ച്ചനയും നടത്തി. മാര്‍ച്ച് 31ന് എല്ലാം വര്‍ഷവും മുടങ്ങാതെ തുടരുന്ന അച്ഛനോടുള്ള വാഗ്ദാനപാലനം 64-ാം വര്‍ഷവും യേശുദാസ് തുടര്‍ന്നു.
ഉച്ചയ്‌ക്ക് കപ്പേളയില്‍ ഒരുക്കിയ നേര്‍ച്ചസദ്യ വിളമ്പുന്ന യേശുദാസ് രാത്രി കപ്പേളയിലെ തിരുസ്വരൂപത്തിന് മുന്നില്‍ ശാസ്ത്രീയ സംഗീതാര്‍ച്ചനയും നടത്തി. ഭാര്യ പ്രഭയ്‌ക്കൊപ്പം സദ്യ വിളമ്പുന്ന യേശുദാസ് മകന്‍ വിജയുമെത്ത് സംഗീതാര്‍ച്ചനയും നടത്തി.
തിരു കുടുംബ പ്രതീകമായി റീത്താ ജോസഫ്, ടി.ജി സ്റ്റാന്‍ലി, ലെവിന്‍ ഫ്രെഡ്ഡി എന്നിവര്‍ക്ക് യേശുദാസ് ചേര്‍ന്ന് നേര്‍ച്ചസദ്യ വിളമ്പി ‘ തുടര്‍ന്ന് നുറുക്കണക്കിന് ഭക്തര്‍ സദ്യയില്‍ പങ്കു ചേര്‍ന്നു.
യൗവ്വനത്തില്‍ അച്ഛനോടോത്ത് ഔസേപ്പ് പിതാവിന്റെ കപ്പേളയിലെത്തുന്ന ഓര്‍മ്മകളാണ് ഗാനഗന്ധര്‍വ്വന്‍ യേശുദാസ് ഉണര്‍ത്തിയത്.’ കപ്പേളയിലെ വണക്കമാസ ധ്യാനത്തോടനുബന്ധിച്ച് അച്ഛനും സൃഹൃത്തുക്കളും നടത്തുന്ന സംഗീതാര്‍ച്ചനയാണ യേശുദാസ് ഇന്നും തുടരുന്നത്. അച്ഛന്റെ ആഗ്രഹ സഫലീകരണവുമായി മകന്‍ യേശുദാസ് അച്ഛന്‍ ആഗസ്റ്റിന്‍ ഭാഗവതര്‍ക്ക് നല്കിയ വാഗ്ദാനപാലനം കുടിയാണ്. അധികാരി വളപ്പിലെ വണക്കമാസസംഗീതാര്‍ച്ചന’ ‘ ഗാന ഗന്ധര്‍വ്വ പ്രശസ്തിയിലും മാര്‍ച്ച് 31ന് മുടക്കം കുടാതെ മകന്‍ ഇന്നും ഇത് പിന്തുടരുകയാണ്. ഒരു പക്ഷേ ജന്മനാട്ടില്‍ ഗാന ഗന്ധര്‍വ്വന്‍ കൈവിടാത്ത ഏക ചടങ്ങും ഇതാണന്ന് പഴമക്കാര്‍ ചുണ്ടിക്കാട്ടുന്നു.
