വാഷിംഗ്ടണ്: മാദ്ധ്യമപ്രവര്ത്തകയെ കടന്നുപിടിച്ചതിന് അമേരിക്കന് പ്രസിഡന്റ് തിരഞ്ഞെടുപ്പിലെ റിപ്പബ്ലിക്കന് മത്സരാര്ത്ഥി ഡൊണാള്ഡ് ട്രമ്പിന്റെ പ്രചാരണ മാനേജരെ അറസ്റ്റ് ചെയ്തു.
ട്രമ്പിന്റെ ക്യാമ്പെയിന് മാനേജരായ കൊറേ ലെവന്റോവ്സ്കിയാണ് മാദ്ധ്യമപ്രവര്ത്തകനെ കയ്യേറ്റം ചെയ്തതിനെ തുടര്ന്ന് അറസ്റ്റിലായത്. മിഷേല് ഫീല്ഡ്സ് എന്ന വനിതാ റിപ്പോര്ട്ടറെയാണ് ലെവന്റോവ്സ്കി കടന്നുപിടിച്ചത്. സംഭവത്തിന്റെ വീഡിയോ പൊലീസ് പുറത്തുവിട്ടു.
മിഷേലിന്റെ കയ്യില് ബലം പ്രയോഗിച്ച് പിടികൂടുകയും തടഞ്ഞുവക്കുകയുമായിരുന്നു. അതേ സമയം ലെവന്റോവ്സ്കി നിരപരാധിയാണെന്നും നിയമപരമായി നേരിടുമെന്നുമാണ് ട്രമ്പിന്റെ പ്രചാരണവിഭാഗം പറയുന്നത്. കുടിയേറ്റ വിരുദ്ധ, മുസ്ലീ വിരുദ്ധ പ്രസ്താവനകളിലൂടെ വിവാദ നായകനായ ട്രമ്പ് ആണ് റിപ്പബ്ലിക്കന് മത്സരാര്ത്ഥികളില് മുന്നില് നില്ക്കുന്നത്.
ഏതായാലും ഒരു വനിതയെ ആക്രമിച്ചുവെന്ന ആരോപണത്തില് മാനേജരുടെ അറസ്റ്റ് ട്രമ്പിന് തലവേദനയാകും.
