ആലുവ: ലോക നാടക ദിനത്തില് ആസ്വാദകര് ചേര്ന്ന് നാടകം അവതരിപ്പിച്ചു. ആലുവ സംഗീത സഭയില് സ്ഥിരമായി നാടകം കാണാനെത്തുന്നവര് ചേര്ന്ന് രൂപവത്കരിച്ച നാടകാസ്വാദക സമിതിയാണ് നാടകം അവതരിപ്പിച്ചത്. നാടകം പതിവായി കാണാനെത്തുന്ന തിരക്കഥാകൃത്ത് ബാബുപളളാശേരി, നാടകനടന്മാരായ കൊച്ചിന് ഹസൈനാര്, എം.എച്ച്. അഷറഫ്, എ.എച്ച്. ഷാനവാസ്, എന്.സി. സജീവന് എന്നിവരും നാടകാസ്വാദക സമിതിയിലെ പുതുമുഖങ്ങള്ക്കൊപ്പം അഭിനയിക്കുവാനും മറ്റ് സഹായങ്ങള് ചെയ്തുകൊടുക്കുവാനും സന്നദ്ധമായപ്പോള് അരമണിക്കൂര് നീണ്ടുനില്ക്കുന്ന പഞ്ചപാണ്ഡവമെന്ന നാടകം രൂപം കൊളളുകയായിരുന്നു. ഇതില് പാഞ്ചാലിയായി വേഷമിട്ടത് ഇപ്പോള് ദല്ഹിയില് പഠിക്കുന്ന ഗായത്രി നായര് എന്ന വിദ്യാര്ഥിനിയാണ്. പഞ്ചപാണ്ഡവരായി അഭിനയിച്ചത് ടാസില് അഭിനയകല പഠിക്കുന്ന വിദ്യാര്ഥികളുമാണ്.
കഴിഞ്ഞ വര്ഷവും ഇത്തരത്തില് സ്വന്തമായി നാടകമുണ്ടാക്കി അഭിനയിക്കുന്നതിനിടയില് മുരളി എന്ന നാടക നടന് വേദിയില് കുഴഞ്ഞുവീണ് മരിച്ചത്. അദ്ദേഹത്തിന്റെ സ്മരണയിലാണ് ഇക്കുറി ലോകനാടകദിനം ആഘോഷിച്ചത്. ടാസും കേരള സംഗീത നാടക അക്കാദമിയും ചേര്ന്നാണ് എല്ലാ ബുധനാഴ്ചയും ടാസില് നാടകം അവതരിപ്പിച്ചിരുന്നത്.
ഖാലിദും സംഘവും നയിച്ച നാടക ഗാനസന്ധ്യ, നാടക പ്രതിഭകളെ ആദരിക്കല്, നാടകക്കാരന്റെ പ്രതിബദ്ധത സംബന്ധിച്ച സംവാദം എന്നിവരെയും സംഘടിപ്പിച്ചു.
ആഘോഷപരിപാടികള്ക്ക് ടാസ് ഭാരവാഹിളായ എസ്. പ്രേംകുമാര്, സി.എന്.കെ. മാരാര്, പി. രാമചന്ദ്രന്, ജയന്മാലില്, ബേബികരുവേലില്, കെ.ജി. മണികണ്ഠന് തുടങ്ങിയവര് നേതൃത്വം നല്കി
