ലോക സൂഫിസമ്മേളനത്തോടനുബന്ധിച്ച് ആള് ഇന്ത്യാ ഉലമാ ആന്റ് മശായിഖ് ബോര്ഡ് ദല്ഹിയില് സംഘടിപ്പിച്ച സൂഫി സമ്മേളനത്തില് പ്രധാനമന്ത്രി നരേന്ദ്രമോദിയെ പങ്കെടുപ്പിച്ചതിനെ വിമര്ശിച്ചുകൊണ്ട് തൊടിയൂര് മുഹമ്മദ് കുഞ്ഞ് മൗലവി ബീമാപള്ളിയില് നടത്തിയ പ്രസ്താവന തികച്ചും ഭാരതീയനായ മുസല്മാന് യോജിച്ചതല്ല.
കേരളത്തില് ഇടതുവലത് മുന്നണികള്ക്കുവേണ്ടി മുസ്ലിം വോട്ടുബാങ്കിനെ വിലയ്ക്ക്വിറ്റും, ഹജ്ജ്കമ്മിറ്റിയിലും വക്കഫ്ബോര്ഡിലും ഇടംപിടിച്ചും, സാധുക്കളായ ന്യൂനപക്ഷങ്ങളെ ചൂഷണംചെയ്തും സമുദായ നേതൃസ്ഥാനം നിലനിര്ത്തി വിശുദ്ധ ഖുറാന് പറഞ്ഞതിന് വിപരീതമായി സമൂഹത്തെ നയിക്കുന്ന നേതൃത്വമായി ചിലര് മാറിയിരിക്കുകയാണ്.
ദേശവിരുദ്ധശക്തിക്കെതിരെ ഒരു ചെറുപ്രസ്താവനപോലും നടത്താതെയും സ്വന്തം കൈയ്യിലുള്ള സംഘടനയില് സംഘടനാതെരഞ്ഞെടുപ്പുപോലും നടത്താതെയും പുതുതലമുറക്ക് ശരിയായ ദിശയിലൂടെ നീതിബോധം ഉണര്ത്തികൊടുക്കാതെയും ഇസ്ലാം നിഷേധിച്ച സ്ത്രീധനം, പലിശ, ദേശവിരുദ്ധത എന്നിവക്ക് എതിരെ പ്രചാരണം നടത്താതെയും കേരളത്തില് തെരഞ്ഞെടുപ്പ് അടുത്ത ഘട്ടത്തില് മുസ്ലിം വോട്ടുകള് ബിജെപി പക്ഷത്തേക്ക് ചായുന്നു എന്ന് മനസ്സിലാക്കി ചിലര്ക്കുവേണ്ടി യാഥാര്ത്ഥ പണ്ഡിതന്മാരെയും സൂഫികളെയും തള്ളിപറയാനും ഇസ്ലാം അല്ലെന്ന് പറയാനും ഒരു വിശ്വാസിക്ക് എങ്ങനെ കഴിയും?
എല്ലാവര്ക്കും തുല്യനീതി. അവകാശങ്ങളും അധികാരങ്ങളും തുല്യം. ഇത് കേരളത്തില് പ്രാവര്ത്തികമാക്കാന് നിങ്ങള്ക്ക് കഴിഞ്ഞിട്ടുണ്ടോ? ഭൂരിപക്ഷം വരുന്ന ഫനഫികളെ ഒറ്റപ്പെടുത്തിയല്ലേ പലതും കേരളത്തിലെ മുസ്ലിം നേതൃത്വം ചെയ്യുന്നത്. രാജ്യത്തെ സൂഫികള് മതസൗഹാര്ദ്ധത്തിനുവേണ്ടി നിലകൊള്ളുന്നവരാണ്. അവരെ ഒറ്റപ്പെടുത്താന് അനുവദിക്കില്ല.
പി.എം. ഷാജഹാന്,
ആള് ഇന്ത്യാ റാവുത്തര്
അസ്സോസ്സിയേഷന്,
തിരുവനന്തപുരം
