പാക്-അഫ്ഗാന് അതിര്ത്തിയിലെ മദ്രസകള് ഭീകരപരിശീലന കേന്ദ്രങ്ങളാണെന്ന് പാക്കിസ്ഥാന് പ്രധാനമന്ത്രിയുടെ വിദേശകാര്യ ഉപദേഷ്ടാവ് സര്ത്താജ് അസീസ് പറഞ്ഞതായി വാര്ത്ത കണ്ടു. (ജന്മഭൂമി 07/03/16)
ഇതിനുമുന്പ് ഒരു പാക്കിസ്ഥാന് മന്ത്രി പറഞ്ഞുവെച്ചത് പാക്കിസ്ഥാനിലെ നിരവധി മദ്രസകള് ”യൂണിവേഴ്സിറ്റി ഓഫ് ഇഗ്നറന്സ്” (വിവരക്കേടു പഠിപ്പിക്കുന്നിടം) ആണെന്നാണ്. പ്രസ്താവന പിന്വലിച്ച് മന്ത്രി മാപ്പുപറയണമെന്നായി മദ്രസ നടത്തിപ്പുകാര്. പക്ഷേ മന്ത്രി പ്രസ്താവന പിന്വലിച്ചില്ലെന്നതാണു സത്യം. അത്തരം മദ്രസകള് ധാരാളമുണ്ട് എന്നതുതന്നെ കാരണം.
ഏതായാലും ഭാരതത്തിലെ മദ്രസകള്ക്കെതിരെ അത്തരമൊരാരോപണം അധികാരസ്ഥാനങ്ങളിലെ ആരും ഉന്നയിച്ചുകേട്ടിട്ടില്ല. ഇനി അങ്ങനെ ഉന്നയിക്കാന് ഇടവരാതിരിക്കട്ടെ.
മുംബൈ ഭീകരാക്രമണ പ്രതി അജ്മല് കസബും അത്തരം ഭീകരപ്രവര്ത്തനങ്ങള്ക്കിറങ്ങിത്തിരിക്കുന്നവരും മേല്പ്പറഞ്ഞതരം മദ്രസകളില് പഠിച്ചിറങ്ങിയവരാകാം. നിഷ്കളങ്ക ബാല്യങ്ങളെ വഴിതെറ്റിക്കുന്ന വിദ്യാഭ്യാസം ദൈവനിന്ദയ്ക്ക് തുല്യം. ഹിന്ദുമതവും ക്രിസ്തുമതവും തങ്ങളുടെ മതമായ ഇസ്ലാം മതംപോലെ നല്ലതാണെന്ന് മദ്രസകളില് പഠിപ്പിക്കുന്നുണ്ടോ? മദ്രസ പഠനം പൂര്ത്തിയാക്കിയ ആരെങ്കിലും മറുപടി പറയുമോ?
കെ.വി.സുഗതന്, എരമല്ലൂര്
