കോട്ടയം: നിയമസഭാ തിരഞ്ഞെടുപ്പിനോടനുബന്ധിച്ച് ജില്ലയില് രൂപീകരിച്ച് മീഡിയ സര്ട്ടിഫിക്കേഷന് ആന്ഡ് മോണിറ്ററിംഗ് കമ്മിറ്റി സോഷ്യല് മീഡിയ ഉള്പ്പെടെ മാധ്യമങ്ങളുടെ തിരഞ്ഞെടുപ്പുമായി ബന്ധപ്പെട്ട പ്രവര്ത്തനങ്ങള് 24 മണിക്കൂറും നിരീക്ഷിക്കും.
ഇതിനായി കോട്ടയം കളക്ട്രേറ്റിലാണ് എംസിഎംസി ഓഫീസ് പ്രവര്ത്തിക്കുന്നത്. ജില്ലാ കളക്ടര് ചെയര്മാനായ സമിതിയാണ് എംസിഎംസിയുടെ പ്രവര്ത്തനങ്ങള് നിയന്ത്രിക്കുന്നത്. അഡീഷണല് ജില്ലാ മജിസ്ട്രേറ്റ് പി. അജന്തകുമാരി, ഡെപ്യൂട്ടി കളക്ടര് (എല്എ) ടി.വി. സുഭാഷ്, മാധ്യമ പ്രവര്ത്തകനായ തേക്കിന്കാട് ജോസഫ്, ഫീല്ഡ് പബ്ലിസിറ്റി ഓഫീസര് സുധ എസ് നമ്പൂതിരി എന്നിവര് അംഗങ്ങളും ജില്ലാ ഇന്ഫര്മേഷന് ഓഫീസര് മെമ്പര് സെക്രട്ടറിയുമാണ്.
എംസിഎംസി സെല്ലിലേക്ക് പ്രത്യേകം നിയോഗിക്കപ്പെട്ട ജീവനക്കാരാണ് 24 മണിക്കൂറും മാധ്യമങ്ങളെ നിരീക്ഷണ വിധേയമാക്കുന്നത്. തിരഞ്ഞെടുപ്പ് പരസ്യങ്ങളുടെ സര്ട്ടിഫിക്കേഷന്, മാധ്യമങ്ങളിലെ ഉളളടക്കങ്ങളുമായി ബന്ധപ്പെട്ട പരാതികള് സ്വീകരിക്കല്, പെയ്ഡ് ന്യൂസ് പരിശോധിക്കല് തുടങ്ങിയ പ്രവര്ത്തനങ്ങളാണ് എംസിഎംസി ചെയ്യുന്നത്. തിരഞ്ഞെടുപ്പ് പെരുമാറ്റച്ചട്ട ലംഘനവുമായി ബന്ധപ്പെട്ട് എംസിഎംസി നല്കുന്ന റിപ്പോര്ട്ടിന്റെ അടിസ്ഥാനത്തില് ജില്ലാ തിരഞ്ഞെടുപ്പു ഓഫീസറായ ജില്ലാ കളക്ടര് സ്ഥാനാര്ത്ഥികള്ക്ക് നോട്ടീസ് നല്കുന്നതുള്പ്പെടെയുളള തുടര്നടപടികള് സ്വീകരിക്കും.
