കണ്ണൂര്‍: കണിച്ചാര്‍ ചെങ്ങോത്ത് തടത്തില്‍ വീട്ടില്‍ കുട്ടപ്പന്റെ മകന്‍ തങ്കന്‍ എന്ന റോക്കറ്റ് തങ്കച്ചന് സിപിഎമ്മിന്റെ സ്ഥിരം ആയുധനിര്‍മ്മാതാവാണ്. മഴുവും വാളുകളും മാരക പ്രഹരശേഷിയുള്ള റൈഫിളുകളും നിര്‍മ്മിക്കുന്നതില്‍ ഇയാള്‍ വിദഗ്ധനാണ്. സിപിഎമ്മിന്റെ ഉന്നതനേതൃത്വവുമായി അടുത്ത ബന്ധം പുലര്‍ത്തുന്ന തങ്കച്ചന് പൊതുവെ മിതഭാഷിയാണ്. വളരെ അപൂര്‍വ്വമായി മാത്രമേ ഇയാള്‍ വീട്ടിന് പുറത്തിറങ്ങാറുള്ളു എന്നാണ് നാട്ടുകാര്‍ പറയുന്ന്. കൊല്ലപ്പണിക്കാരനായ ഇയാള്‍ സാധാരണ വീട്ടാവശ്യത്തിനുള്ള കത്തിയോ മറ്റ് ആയുധങ്ങളോ ഉണ്ടാക്കണമെന്നാവശ്യപ്പെട്ട് ആരെങ്കിലുമെത്തിയാല്‍ അവരെ പരിഗണിക്കാതെ തിരക്കാണെന്ന് പറഞ്ഞ് ഒഴിവാക്കുകയാണ് പതിവ്. പൊതുവെ ആരോടും സംസാരിക്കാത്ത തങ്കച്ചന്റെ ജീവിതരീതി ദുരൂഹമാണെന്നാണ് നാട്ടുകാര്‍ പറയുന്നത്. എന്നാല്‍ ടിപി വധക്കേസുമായി ബന്ധപ്പെട്ട് തങ്കച്ചന് പോലീസ് പിടിയിലായതോടെയാണ് ഇയാളുടെ യഥാര്‍ത്ഥ മുഖം ജനങ്ങളറിഞ്ഞത്. ടിപി കേസില്‍ പ്രതികളായ കൊടി സുനിയുള്‍പ്പെടെയുള്ളവര്‍ക്ക് ആയുധം നിര്‍മിച്ച് നല്‍കിയത് തങ്കച്ചനായിരുന്നു. സിപിഎമ്മിന്റെ ക്വട്ടേഷന്‍ സംഘങ്ങളുമായി സ്ഥിരമായി ബന്ധംവെക്കുന്ന തങ്കച്ചന് ഇവര്‍ക്കെല്ലാം കൃത്യമായി ആയുധം നിര്‍മ്മിച്ച് നല്‍കുകയും ചെയ്തിരുന്നു. ടിപി കേസുമായി ബന്ധപ്പെട്ട് അറസ്റ്റിലായപ്പോള്‍ തന്നെ കര്‍ശന നടപടി സ്വീകരിച്ചിരുന്നെങ്കില്‍ ഇയാള്‍ ആയുധനിര്‍മ്മാണം നിര്‍ത്തുമായിരുന്നുവെന്നാണ് പ്രദേശവാസികള്‍ പറയുന്നത്. ഏത് തരത്തിലുള്ള അക്രമത്തിലും തകര്‍ന്നുപോകാത്ത ആയുധങ്ങളാണ് ഇയാള്‍ നിര്‍മിക്കുന്നത്. ഉഗ്രപ്രഹര ശേഷിയുള്ള തോക്കുകളുണ്ടാക്കുന്നതിലും ഇയാള്‍ വിദഗ്ധനാണ്. സിപിഎമ്മിന്റെ രാഷ്‌ട്രീയ സ്വാധീനമാണ് പോലീസ് പിടിയിലാകാതെ തങ്കച്ചനെ സംരക്ഷിച്ചത്. എന്നാല്‍ ടിപി കേസില്‍ തങ്കച്ചനെ സംരക്ഷിക്കുന്നതില്‍ പാര്‍ട്ടി പരാജയപ്പെട്ടു. ഇപ്പോള്‍ സിപിഎം ക്വട്ടേഷന്‍ സംഘാംഗങ്ങളായ ഷിജുവിന്റെയും സുന്ദരന്റെയും മൊഴിയുടെ അടിസ്ഥാനത്തിലാണ് തങ്കച്ചന് പോലീസിന്റെ വലയിലായത്. തങ്കച്ചന് എല്ലാവിധ ഒത്താശയും ചെയ്ത് കൊടുക്കുന്നത് പ്രദേശത്തെ ഒരു ഉന്നത സിപിഎം നേതാവാണ്.
റോക്കറ്റ് തങ്കച്ചന് സിപിഎമ്മിന്റെ സ്ഥിരം ആയുധ നിര്‍മ്മാതാവ്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.