കണ്ണൂര്: രാഷ്ട്രീയ എതിരാളികളെ അക്രമപരമ്പരകള് നടത്തി ഉന്മൂലനം ചെയ്യുന്ന സിപിഎം നേതൃത്വം അണികളെ വഞ്ചിക്കുകയാണെന്ന് എന്ടിയു സംസ്ഥാന ഉപാധ്യക്ഷന് സി.സദാനന്ദന് മാസ്റ്റര്. എതിരാളികളെ വകവരുത്താന് ആയുധവുമായി പറഞ്ഞ് വിടുന്ന സിപിഎം നേതൃത്വം നിരവധി അണികളെ ഇരുമ്പഴിക്കുള്ളിലാക്കിയിട്ടുണ്ട്. എന്നാല് നേതൃസ്ഥാനത്തുള്ളവര് പ്രതിപ്പട്ടികയില് വരുമ്പോള് നേതൃത്വം അങ്കലാപ്പിലാവുകയാണ്. നിരവധിപ്പേരെ ജയിലിലടച്ച ജയരാന് സ്വന്തം പേരില് കേസ് വന്നപ്പോള് നെഞ്ചുവേദന അഭിനയിക്കുകയാണ്. ഇത്തരം ഇരട്ടത്താപ്പ് സ്വീകരിക്കുന്ന സിപിഎം നേതൃത്വം അണികളെ വഞ്ചിക്കുകയാണ്.
പത്രപ്രവര്ത്തകര്, ഓട്ടോ ഡ്രൈവര്മാര്, സാധാരണ തൊഴിലാളികള് ഉള്പ്പടെ സിപിഎമ്മിന്റെ കൊലക്കത്തിക്കിരയായവര് നിരവധിയുണ്ട്. 84 സംഘപരിവാര് പ്രവര്ത്തകരെയാണ് സിപിഎമ്മുകാര് അറുകൊല ചെയ്തത്. താലിബാനികളുടെ ഇന്ത്യന് പതിപ്പായി സിപിഎം മാറിയിരിക്കുകയാണ്. ഏറ്റവും അവസാനമായി പാപ്പിനിശ്ശേരിയിലെ സുജിത്തിനെ വീട്ടില് കയറി തല്ലിക്കൊന്നത് മനസ്സാക്ഷി മരവിപ്പിക്കുന്നതാണ്. ജയരാജന്റെ അക്രമരാഷ്ട്രീയത്തിന് ഇനി അധികകാലമില്ലെന്നും മാര്ച്ചില് അണിനിരന്ന ആയിരങ്ങളുടെ പങ്കാളിത്തം ഇതാണ് വ്യക്തമാക്കുന്നതെന്നും അദ്ദേഹം പറഞ്ഞു.
