ഇത് ഞെട്ടിക്കുന്ന വാര്ത്തയാണ്. കാരണം ഇന്ന് ശ്രീ ശ്രീ രവിശങ്കര് നയിക്കുന്ന വിശ്വസാംസ്കാരിക പരിപാടിക്കെതിരെ സീതാറാം യെച്ചുരി, ഗുലാം നബി ആസാദ്, ശരദ് യാദവ് ഒക്കെ കൂടി പാര്ലമെന്റില് വലിയ ബഹളം ആയിരുന്നു. ഒരുവ്യക്തി നടത്തുന്ന പരിപാടി. അതില് എത്ര ലക്ഷംപേര് വേണമെങ്കിലും പങ്കെടുത്തുകൊള്ളട്ടെ. എത്ര രാഷ്ട്രത്തലവന്മാര് വേണമെങ്കിലും പങ്കെടുത്തുകൊള്ളട്ട. തങ്ങള്ക്കു പ്രശ്നം അല്ല. പക്ഷെ യമുനയുടെ കരയില് പറ്റില്ല. ഇപ്പൊ അത് നിര്ത്തി വയ്ക്കണം.
പട്ടാളത്തെകൊണ്ട് എന്തുകൊണ്ട് ബ്രിഡ്ജ് കെട്ടി എന്നൊക്കെ അലറി. ഇനി ഈ വാര്ത്ത വായിക്കുക.1997 മാര്ച്ച് 22 അന്ന് കമ്യൂണിസ്റ്റ് കോണ്ഗ്രസ് പിന്തുണയുള്ള ദേവഗൗഡ സര്ക്കാര് ആയിരുന്നു കേന്ദ്രത്തില്. അന്ന് ഒരു അമേരിക്കന് ഗായകനായ യാനി, അദ്ദേഹത്തിന്റെ പരിപാടി നടന്നത് യമുനാ തീരത്താണ.് ഇതുപോലെതന്നെ മൂന്നുദിവസം.
അതും യമുനയുടെ നടുവില് വലിയ സ്റ്റേജ് ഉണ്ടാക്കി. സീറ്റിങ് എല്ലാം യമുനയുടെ നടുവില് ആയിരുന്നു. അന്ന് രണ്ടു വലിയ പാലം യമുനക്ക് കുറുകെ ഭാരത പട്ടാളത്തെക്കൊണ്ടാണ് ഉണ്ടാക്കിയത്. സര്ക്കാര്തന്നെ എല്ലാം ചെയ്തുകൊടുത്തു. ഇന്ന് അതെ പാര്ട്ടികള് തന്നെ ശ്രീശ്രീ രവിശങ്കറിന്റെ പരിപാടിക്ക് എതിരെ സംസാരിക്കുന്നു! എന്തുകൊണ്ടെന്നറിയാമോ? വിദേശിക്കുപോലും പരിപാടി നടത്താം ഭാരതത്തില്.
പക്ഷെ ഹിന്ദുസന്യാസി ആണ് എങ്കില് അത് എതിര്ക്കും ഭാരതത്തിലെ മതേതരന്മാര്. മതേതരം എത്ര അപകടകരമായ രീതിയില് എത്തി എന്ന് നോക്കുക. എന്തായാലും ഇവരുടെ ഭയപ്പെടുത്തലില് ഭയപ്പെടാതെ മുന്നോട്ടുതന്നെ പോകുക. പ്രധാനമന്ത്രി നരേന്ദ്ര മോദി തന്നെ ഈ ലോകം ഉറ്റുനോക്കുന്ന പരിപാടി ഉദ്ഘാടനം ചെയ്യുകതന്നെ ചെയ്യും. ഹിന്ദുവുമായി ബന്ധപ്പെട്ടത് എന്തും എതിര്ക്കുന്നവരെ ഓരോ ദിവസവും ഭാരതം തിരിച്ചറിയുകയാണ്.
സുരേഷ് കോന്നി
