എന്റെ രാജ്യം കാക്കുന്ന ജവാന്മാര് ചോരകൊടുത്തും ജീവന് കൊടുത്തും സംരക്ഷിച്ചുവരുന്ന ഭാരതത്തിന്റെ അവിഭാജ്യ ഘടകമായ കാശ്മീരിനെ സ്വതന്ത്രമാക്കി പാകിസ്ഥാനും ചൈനയ്ക്കും വീതിച്ചുകൊടുക്കണം എന്ന് വാദിക്കുന്ന കനയ്യകുമാരന്മാരെ ന്യായീകരിക്കാന് രാഷ്ട്രബോധം ഉള്ള ഞങ്ങള്ക്ക് സാധിക്കില്ല.
1962 ല് ചൈന ഭാരതത്തെ ആക്രമിച്ചപ്പോള് ചൈനയ്ക്കു പിന്തുണകൊടുത്ത ദേശദ്രോഹികള് ആണ് നിങ്ങള്. അന്ന് ഭാരതം ഭരിച്ചിരുന്നത് കോണ്ഗ്രസ് സര്ക്കാര് ആയിരുന്നു. രാഷ്ട്രീയ മുതലെടുപ്പ് നടത്താനും, പഴിചാരാനും സുവര്ണ്ണാവസരം നിലനില്ക്കുമ്പോള് അതിനു മുതിരാതെ രാഷ്ട്രീയത്തിനുമീതെ രാഷ്ട്രത്തിന് വിലകല്പ്പിച്ചുകൊണ്ട് അന്ന് ഭാരത സര്ക്കാരിനും ഭാരത സൈന്യത്തിനും വലംകൈപോലെ സഹായകമായ ഒരേയൊരു അര്ധസൈനിക സന്നദ്ധ സംഘടനയാണ് ആര്എസ്എസ്. അതുപോലെ കാശ്മീര് വിഘടനവാദം കൊടുമ്പിരികൊണ്ടിരിക്കുന്ന കാലഘട്ടത്തില് കശ്മീര് താഴ്വരയില് ത്രിവര്ണ്ണ പതാക നിരന്തരം കത്തിക്കുകയും, ത്രിവര്ണ്ണം ഉയര്ത്തുന്നവരെ കൊല്ലുമെന്നും ഭീകര സംഘടനകള് പരസ്യ പ്രസ്താവന നടത്തിയപ്പോള് അധികാരമോ, ഇസഡ് കാറ്റഗറി സുരക്ഷയോ, ബുള്ളറ്റ് പ്രൂഫ് ജാക്കറ്റോ പോലുമില്ലാതെ ഏകതായാത്ര നയിച്ച് 1992 ല് 67 പ്രവര്ത്തകരെയും, ഭാരത സൈന്യത്തെയും സാക്ഷിയാക്കി മുരളീ മനോഹര് ജോഷിക്കൊപ്പം ലാല് ചൗക്കിലെ ക്ലോക്ക് ടവറില് ത്രിവര്ണ്ണ പതാക ഉയര്ത്തിയ ഇരട്ട ചങ്കുള്ള നേതാവാണ് ഇന്ന് ഭാരതത്തിന്റെ പ്രധാനമന്ത്രി. പോര്ച്ചുഗീസ് കോളനി ഭരണത്തില്നിന്നും ദാദ്രയും നാഗര് ഹവേലിയും സ്വതന്ത്രമാക്കി ഭാരത യൂണിയന്റെ ഭാഗമാക്കിയ സമരത്തിന് ചുക്കാന് പിടിച്ചത് ആര്എസ്എസ് ആയിരുന്നു, കമ്മ്യൂണിസ്റ്റുകള് ആ പ്രദേശത്തോന്നും ഇല്ലായിരുന്നു..
ആ ചരിത്രമുള്ള സംഘടനയെ ചൈനയുടെ കാലുനക്കുന്നവരൊന്നും ദേശസ്നേഹം പഠിപ്പിക്കാന് വരണ്ട. ആ സംഘടനയുടെ ഭാഗമാണെന്നു പറയുന്നത് തന്നെ ഞങ്ങള് പ്രവര്ത്തകര്ക്ക് അഭിമാനവും ആവേശവും ആണ്.
ജിതിന് പി.ജി
