മുംബൈ: ഇറാനി ട്രോഫി ക്രിക്കറ്റ് ചാമ്പ്യന്ഷിപ്പില് റെസ്റ്റ് ഓഫ് ഇന്ത്യയ്ക്കെതിരെ രഞ്ജി ചാമ്പ്യന്മാരായ മുംബൈയ്ക്ക് തകര്പ്പന് തുടക്കം. ഓപ്പണര് ജയ് ബിസ്തയുടെ കന്നി ഫസ്റ്റ് ക്ലാസ് സെഞ്ചുറിയുടെ (104) മികവില് ആദ്യ ദിനം കളി നിര്ത്തുമ്പോള് മൂന്നു വിക്കറ്റ് നഷ്ടത്തില് 386 റണ്സെടുത്തു മുംബൈ. സൂര്യകുമാര് യാദവും (88), നായകനും വിക്കറ്റ് കീപ്പര് ബാറ്റ്സ്മാനുമായ ആദിത്യ താരെയും (38) ക്രീസില്.
ടോസ് നേടി ബാറ്റിങ് തെരഞ്ഞെടുത്ത മുംബൈയ്ക്ക് ഓപ്പണര്മാരായ ബിസ്തയും അഖില് ഹെര്വാദ്കറും (90) ചേര്ന്ന് മികച്ച തുടക്കം നല്കി. ആദ്യ വിക്കറ്റില് 193 റണ്സ് പിറന്നു. 90 പന്തില് 15 ഫോറും ഒരു സിക്സറുമടക്കം ശതകം തികച്ച ബിസ്തയാണ് ആദ്യം മടങ്ങിയത്. അഞ്ചാം മത്സരത്തിലാണ് ബിസ്ത മൂന്നക്കം തികയ്ക്കുന്നത്. 148 പന്തില് 15 ഫോറുകളുള്പ്പെടെ 90 റണ്സ് നേടിയ ഹെര്വാദ്കറും അധികം വൈകാതെ മടങ്ങി. പിന്നീട് ശ്രേയസ് അയ്യരും (55) സൂര്യകുമാര് യാദവും സ്കോര് മുന്നോട്ട് നയിച്ചു. 49 പന്തില് 10 ഫോറുകളോടെ അയ്യരുടെ ഇന്നിങ്സ്. യാദവ് 125 പന്ത് നേരിട്ട് 15 ഫോറും ഒരു സിക്സറും ഇതുവരെ നേടി. വീണ വിക്കറ്റുകള് കൃഷ്ണദാസ്, അങ്കിത് രാജ്പുത്, സ്റ്റുവര്ട്ട് ബിന്നി എന്നിവര് പങ്കിട്ടു.
