707
ആലുവ: ആലുവ അൈദ്വതാശ്രമം സംഘടിപ്പിക്കുന്ന 93-ാമത് സര്വ്വമത സമ്മേളനത്തിനും മഹാശിവരാത്രി മഹോത്സവവും ഇന്നും നാളെയുമായി നടക്കും. ഇന്ന് വൈകിട്ട് അഞ്ചിന് നടക്കുന്ന സര്വ്വമത സമ്മേളനം ജസ്റ്റിസ് ബി. കെമാല്പാഷ ഉദ്ഘാടനം ചെയ്യും. സ്വാമി സച്ചിതാനന്ദ അദ്ധ്യക്ഷത വഹിക്കും. ഡോ. യോക്കോബ് മാര് ഐറേനിയോസ് മെത്രാപ്പൊലീത്ത (കൊച്ചി ഭദ്രസാനാധിപന്, മലങ്കര ഓര്ത്തഡോക്സ് സുറിയാനി സഭ), എം.എം. അക്ബര് (ഡയറക്ടര്, നിച്ച് ഓഫ് ട്രൂത്ത്), എസ്.ജെ.ആര്. കുമാര് (പ്രസിഡന്റ്, വി.എച്ച്.പി) എന്നിവര് സംസാരിക്കും. സ്വാമി ശാരദാനന്ദ അനുഗ്രഹപ്രഭാഷണം നടത്തും. അന്വര് സാദത്ത് എംഎല്എ, നഗരസഭാദ്ധ്യക്ഷ ലിസി എബ്രഹാം എന്നിവര് സംസാരിക്കും. അമേസിംഗ് ഇന്ത്യ പുരസ്കാരം ലഭിച്ച തെരുവോരം മുരുകനെ ആദരിക്കും. സ്വാമി ശിവസ്വരൂപാനന്ദ സ്വാഗതവും അസ്പര്ശാനന്ദ സ്വാമി നന്ദിയും പറയും.
പുലര്ച്ചെ അഞ്ചിന് പ്രഭാത പൂജയോടെ ചടങ്ങുകള് ആരംഭിക്കും. എട്ടിന് ആശ്രമം സെക്രട്ടറി ശിവസ്വരൂപാനന്ദ സ്വാമി പതാക ഉയര്ത്തും. തുടര്ന്ന് വിവിധ പൂജകള് നടക്കും. ഉച്ചയ്ക്ക് രണ്ടിന് ‘നമ്മുടെ കര്ത്തവ്യം ശ്രീനാരായണ ദര്ശനത്തില്’ എന്ന വിഷയത്തില് നടക്കുന്ന ഗുരുദേവ ധര്മ്മ പരിഷത്ത് ഡിജിപി ജേക്കബ് തോമസ് ഉദ്ഘാടനം ചെയ്യും. സ്വാമി സൂക്ഷ്മാനന്ദ അദ്ധ്യക്ഷത വഹിക്കും. ഡോ. സുനില് പി. ഇളയിടം മുഖ്യപ്രഭാഷണവും സ്വാമി ധര്മ്മചൈതന്യ അനുഗ്രഹ പ്രഭാഷണവും നടത്തും.
