ചെങ്ങന്നൂര്: നിയമസഭാ തെരഞ്ഞടുപ്പിന്റെ തീയതി പ്രഖ്യാപിച്ചതോടെ നാടും നഗരവും തെരഞ്ഞെടുപ്പ് ചൂടിലേക്ക്. ചെങ്ങന്നൂര് മണ്ഡലത്തില് ബിജെപി തെരഞ്ഞെടുപ്പ് പ്രചരണ പ്രവര്ത്തനം തുടക്കം കുറിച്ചു. ദിവസങ്ങള്ക്കു മുന്പു തന്നെ പ്രവര്ത്തകര് ചുവരെഴുത്തിനായി മതിലുകള് ബുക്കു ചെയ്തു കഴിഞ്ഞു.
കഴിഞ്ഞ തദ്ദേശ സ്വയംഭരണസ്ഥാപനങ്ങളിലേക്കുള്ള തെരഞ്ഞെടുപ്പില് വന് മുന്നേറ്റമാണ് ബിജെപി മണ്ഡലത്തില് ഉണ്ടാക്കിയത്. ഇതിന്റെ ആത്മവിശ്വാസത്തിലാണ് പ്രവര്ത്തകര്. കേന്ദ്രസര്ക്കാരിന്റെ വികസന പ്രവര്ത്തനങ്ങളും ചെങ്ങന്നൂരിന്റെ വികസനത്തിന് പ്രാധാന്യം നല്കിക്കൊണ്ട് മോദി സര്ക്കാര് നടപ്പാക്കുന്ന പദ്ധതികളും ജനങ്ങളിലേക്ക് എത്തിച്ചുകൊണ്ടുള്ള പ്രചരണ പരിപാടികളാണ് ബിജെപി ലക്ഷ്യമിടുന്നത്.
പ്രചരണത്തിന്റെ ആദ്യഘട്ടമായി നിയോജകമണ്ഡലം കമ്മറ്റിയുടെ നേതൃത്വത്തിലും വിവിധ പഞ്ചായത്ത് കമ്മറ്റികളുടെ നേതൃത്വത്തിലും മണ്ഡലത്തിലെ വിവിധ പ്രദേശങ്ങളില് ചുവരുകള് വെള്ള പൂശി ചുവരെഴുത്തുകള് ആരംഭിച്ചു. പടലപ്പിണക്കങ്ങളും ഗ്രൂപ്പുതര്ക്കങ്ങളും കൊണ്ട് മറ്റ് രണ്ട് മുന്നണികള്ക്കും സ്ഥാനാര്ത്ഥി പട്ടിക പോലും നിശ്ചയിക്കാന് ഇതുവരെ സാധിച്ചിട്ടില്ല, എന്നിരിക്കെയാണ്് ബിജെപി തെരഞ്ഞെടുപ്പ് പ്രവര്ത്തനങ്ങള്ക്ക് തുടക്കം കുറിച്ച് ജനങ്ങളിലേക്കെത്തുന്നത്.
