ആലപ്പുഴ: മുഹമ്മ സിഎച്ച്സി ജീവനക്കാര്ക്ക് കഴിഞ്ഞ മാസത്തെ ശമ്പളം ഇതുവരെ ലഭിച്ചില്ല എല്ലാ മാസവും രണ്ടാമത്തെ പ്രവര്ത്തിദിവസമാണ് ഇവര്ക്ക് ശമ്പളം ലഭിച്ചിരുന്നത്. ഇത്തവണ മുടങ്ങി. അറുപതോളം ജീവനക്കാര്ക്കാണ് ശമ്പളംലഭിക്കാതിരുന്നത്. ഇതില് 42ഓളം പേര് സ്ഥിരം ജീവനക്കാരാണ്. മുഹമ്മ സാമൂഹ്യാരോഗ്യകേന്ദ്രത്തിലെ ശമ്പളബില് നല്കേണ്ടതില്ലെന്നാണ് ജില്ലാ ട്രഷറി ഓഫീസര് അറിയിച്ചതെന്നാണ് വിവരം. ഒരു വര്ഷത്തോളം മുമ്പ് മധുമുക്തി പദ്ധതിക്കായി മുഹമ്മ സിഎച്ച്സിക്ക് ഫണ്ട് അനുവദിച്ചിരുന്നു. തണ്ണീര്മുക്കം, മാരാരിക്കുളം വടക്ക് പിഎച്ച്സികള്ക്കും മുഹമ്മ സിഎച്ച്സിയും തുക തുല്യമായി പങ്കിട്ടെടുക്കുകയായിരുന്നു.
തണ്ണീര്മുക്കം പിഎച്ച്സിയും മുഹമ്മ സിഎച്ച്സിയും കൃത്യമായി കണക്ക് ഹാജരാക്കിയെങ്കിലും മാരാരിക്കുളം പിഎച്ച്സി ഇതുവരെകണക്ക് കാണിച്ചിട്ടില്ല. ഇതാണ് ശമ്പളം തടഞ്ഞുവയ്ക്കാന് കാരണമെന്ന് അറിയുന്നു. മാരാരിക്കുളം പിഎച്ച്സി അധികൃതര് വരുത്തിയ വീഴ്ചയ്ക്ക് മുഹമ്മ കമ്യൂണിറ്റി ഹെല്ത്ത്സെന്ററിലെ ജീവനക്കാരാണ് ശമ്പളം ലഭിക്കാതെ ബലിയാടായിരിക്കുന്നത്. അടിയന്തരമായി ശമ്പളം ലഭിക്കാന് നടപടി സ്വീകരിക്കണമെന്ന് ആവശ്യമുയരുന്നു.
