ആലപ്പുഴ: ജി. സുധാകരന് എംഎല്എയുടെ പരിപാടി വിജയിപ്പിക്കാന് തൊഴിലുറപ്പു പദ്ധതി മുടക്കിയ വാര്ഡംഗമായ പഞ്ചായത്ത് പ്രസിഡന്റിന്റെ നടപടി വിവാദമായി. പുന്നപ്ര വടക്കുപഞ്ചായത്ത് നാലാം വാര്ഡിലാണ് സംഭവം. വാര്ഡംഗംകൂടിയായ പ്രസിഡന്റ് സുവര്ണ പ്രതാപന് തൊഴിലുറപ്പു തൊഴിലാളികളെ ഭീഷണിപ്പെടുത്തിയാണ് എംഎല്എയുടെ പരിപാടിയില് പങ്കെടുപ്പിച്ചത്.
വൈകിട്ട് നാലുമണിയോടെ തൊഴില് നിര്ത്തി പരിപാടിക്കെത്താന് പഞ്ചായത്ത് പ്രസിഡന്റ് നിര്ബ്ബന്ധിക്കുകയായിരുന്നു. പങ്കെടുക്കാത്തവര്ക്ക് ഇനി തൊഴില് നല്കില്ലെന്നും പ്രസിഡന്റ് മുന്നറിയിപ്പു നല്കി. അഞ്ഞൂറ്റുംപാടശേഖരത്തിലെ കല്ക്കെട്ടുനിര്മ്മാണത്തിന്റെ ഉദ്ഘാടനമാണ് ജി. സുധാകരന് നടത്തിയത്. തെരഞ്ഞെടുപ്പ് അടുത്ത സാഹചര്യത്തില് പരിപാടിക്ക് ആളുകുറയുന്നത് തിരിച്ചടിയാകുമെന്നതിനാലാണ് തൊഴിലുറപ്പു പോലും മുടക്കി സ്ത്രീകളൈ എത്തിക്കാന് പഞ്ചായത്ത് പ്രസിഡന്റ് ശ്രമിച്ചത്.
ബിജെപി പ്രവര്ത്തകര് ഇതിനെതിരെ രംഗത്തെത്തി. പ്രസിഡന്റിനെതിരെ ഓംബുഡ്സ്മാന് അടക്കുള്ളവര്ക്ക് പരാതി നല്കുമെന്നും ബിജെപി പ്രവര്ത്തകര് അറിയിച്ചു. കുടുംബശ്രീയെ രാഷ്ട്രീയവല്കരിച്ചപോലെ തൊഴിലുറപ്പിനെയും രാഷ്ട്രീയവത്കരിക്കുന്ന സിപിഎം നയത്തിന്റെ പ്രത്യക്ഷ ഉദാഹരണമാണ് പ്രസിഡന്റിന്റെ ഈ നടപടി.
