കോഴിക്കോട്: ആധ്യാത്മിക മൂലധനമാണ് സാമ്പത്തിക മൂലധനമല്ല വളര്ച്ചയുടെ അടിസ്ഥാനമെന്ന സത്യം ഇന്ന് ലോകം അംഗീകരിച്ചിരിക്കുകയാണെന്ന് കൊളത്തൂര് അദ്വൈതാശ്രമം മഠാധിപതി സ്വാമിചിദാനന്ദപുരി പറഞ്ഞു. കാലിക്കറ്റ് സര്വ്വകലാശാല സനാതനധര്മ്മപീഠത്തിന്റെ മന്ദിരനിര്മ്മാണവുമായി ബന്ധപ്പെട്ട് കോഴിക്കോട് ജയ ഓഡിറ്റോറിയത്തില് നടന്ന യോഗത്തില് സംസാരിക്കുകയായിരുന്നു അദ്ദേഹം. വളര്ച്ചയുടെ അടിസ്ഥാനം സാമ്പത്തിക മൂലധനമാണെന്ന 18-ാം നൂറ്റാണ്ടിലെ ചിന്താഗതിക്ക് ഇന്ന് അടിസ്ഥാനമില്ലാതായിരിക്കുന്നു. അക്കാദമിക സമൂഹത്തില് സനാതനധര്മ്മത്തിന്റെ ആശയം പ്രചരിപ്പിക്കുന്നതിന് പ്രവര്ത്തനങ്ങള് ഉണ്ടാകണം. പ്രാചീന സംസ്കൃതിയായ ഹിന്ദു സംസ്ക്കാരം യഹൂദ മതത്തിന് ശേഷം ആവിര്ഭവിച്ചതാണെന്ന പ്രചാരണമാണ് നടക്കുന്നത്. ഭാരതീയ മൂല്യങ്ങളെക്കുറിച്ചുള്ള പഠനങ്ങള് നടത്തുന്നതിന് അപകര്ഷകതയുളവാക്കാന് ശ്രമം നടക്കുന്നു. സര്വ്വകലാശാലകള് കേന്ദ്രീകരിച്ചാണ് ഇത്തരം പ്രവര്ത്തനങ്ങള് ഏറെയും നടക്കുന്നത്. അദ്ദേഹം പറഞ്ഞു. ചിന്മയമിഷന് ആചാര്യന് ബ്രഹ്മചാരി മുകുന്ദചൈതന്യ, സി.ശേഖരന്, സി.ജനാര്ദ്ദനന്, എ.കെ. പ്രശാന്ത്, കെ.ടി.ജനാര്ദ്ദനന്, എം.ടി.വിശ്വനാഥ്, പ്രൊഫ. പി.സി. കൃഷ്ണവര്മ്മരാജ തുടങ്ങിയവര് സംസാരിച്ചു.
വളര്ച്ചയുടെ അടിസ്ഥാനം സാമ്പത്തിക മൂലധനമല്ല: സ്വാമി ചിദാനന്ദപുരി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.