മംഗലാപുരം: ഇടത്കാലിന് അര്ബുദം ബാധിച്ച് സങ്കീര്ണ്ണമായ അവസ്ഥയിലായിരുന്നു 20 വയസ്സുകാരിയായ യുവതി ഇന്ത്യാന ഹോസ്പിറ്റലില് ചികിത്സ തേടിയെത്തിയത്. ഗൗരവതരമായ അവസ്ഥയില് ആംപ്യൂട്ടേഷന് ചെയ്ത് (കാല് മുറിച്ചുമാറ്റി) ജീവന് രക്ഷിക്കുകയല്ലാതെ മറ്റുവഴികളില്ല എന്നായിരുന്നു നേരത്തെ ചികിത്സ തേടിയ ഒന്നിലധികം വലിയ ആശുപത്രികളില് നിന്ന് ഇവരോട് നിര്ദ്ദേശിക്കപ്പെട്ടത്. ഇതേ തുടര്ന്ന് അവസാനത്തെ പ്രതീക്ഷ എന്ന നിലയിലാണ് ഇവര് ഇന്ത്യാന ഹോസ്പിറ്റലിലെ അര്ബുദ രോഗ ചികിത്സാ വിഭാഗത്തിലെത്തിയത്. ഇന്ത്യാന ഹോസ്പിറ്റലിലെ കാന്സര് സര്ജ്ജന് ഡോ.ജലാലുദ്ദീന് അക്ബര് യുവതിയെ വിശദ പരിശോധനയ്ക്ക് വിധേയയാക്കുകയും, സങ്കീര്ണ്ണമായ ശസ്ത്രക്രിയയിലൂടെ ട്യൂമര് നീക്കം ചെയ്യുവാനുള്ള സാധ്യതയുെണ്ടന്ന് മനസ്സിലാക്കുകയും ചെയ്തു. തുടര്ന്ന് ഇന്ത്യാന ഹോസ്പിറ്റലിലെ ഓര്ത്തോപീഡിക് സര്ജന്മാരായ ഡോ. ഇംതിയാസ്, ഡോ. അഭിഷ് എന്നിവരുടേയും, അനസ്തറ്റിസ്റ്റ് ഡോ. വിന്സന്റിന്റെയും സഹകരണത്തോടെ ഇവരെ ശസ്ത്രക്രിയയ്ക്ക് വിധേയയാക്കുകയും, സങ്കീര്ണ്ണമായ ശസ്ത്രക്രിയയിലൂടെ ട്യൂമര് വിജയകരമായി നീക്കം ചെയ്യുകയും ചെയ്തു. മെഗാ പ്രൊസ്തെസിസ് ഉപയോഗിച്ച് ട്യൂമര് നീക്കംചെയ്ത് അവയവം സുരക്ഷിതമായി നിലനിര്ത്തുന്നത് ഇന്ത്യയിലാദ്യമായി ഇന്ത്യാനയിലാണ് നിര്വ്വഹിക്കുന്നത് എന്ന പ്രത്യേകത കൂടി ഇതിനുണ്ട്. ശസ്ത്രക്രിയാനന്തരം യുവതി സാധാരണ ജീവിതത്തിലേക്ക് സാവധാനം തിരിച്ച് വന്നുകൊണ്ടിരിക്കുന്നു. കാല് മുറിച്ച് കളയേണ്ടിവരും എന്ന ദുരവസ്ഥയില് നിന്നും സുരക്ഷിതമാക്കി നിലനിര്ത്തുവാന് സാധിച്ചു എന്ന ആശ്വാസത്തോടൊപ്പം, ശസ്ത്രക്രിയക്ക് വിജയകരമായ നേതൃത്വം വഹി ച്ച ഡോ. ജലാലുദ്ദീന് അക്ബറിനും അദ്ദേഹ ത്തിന്റെ സംഘാംഗങ്ങള്ക്കും അവര് നന്ദി പറഞ്ഞു.
സങ്കീര്ണ്ണ ശസ്ത്രക്രിയയിലുടെ 20 വയസ്സുകാരിയുടെ കാല് മുറിച്ചുമാറ്റാതെ രക്ഷിച്ചു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.