വിശ്വകര്മ്മാവിന്റെ പുത്രിയായിരുന്നു ഹേമ. അവളുടെ പ്രിയതോഴിയായിരുന്ന സ്വയംപ്രഭയാണ് ഞാന്. ഹേമ ഒരിക്കല് തന്റെ നൃത്തപാടവംകൊണ്ട് ശിവനെ പ്രീതിപ്പെടുത്തി.
ശിവന് വിശ്വകര്മ്മാവിനെക്കൊണ്ട് അതിമനോഹരമായ ഈ നഗരം നിര്മ്മിച്ച് ഹേമയ്ക്കു സമ്മാനമായി നല്കി. ഹേമ മഹാവിഷ്ണുവിനെ ഇഷ്ടദേവനായി സ്വീകരിച്ച് ഇവിടെ താമസിച്ച് തപസ്സുചെയ്തു മുക്തിനേടി.
വിഷ്ണുപദം പ്രാപിക്കാന്നേരത്ത് ഈ സ്ഥലം എന്നെ ഏല്പ്പിച്ചു. വിഷ്ണു ശ്രീരാമാവതാരമെടുക്കുമ്പോള് രാവണന് രാമപത്നിയായ സീതയെ അപഹരിക്കും. സീതയെ തിരഞ്ഞ് വാനരപ്പട ഈ സ്ഥലത്തു വരും. അവരെ നീ സല്ക്കരിക്കണം. നിനക്ക് ശ്രീരാമദര്ശനം കിട്ടി മുക്തിപ്രാപിക്കും എന്നു പറഞ്ഞിരുന്നു. അങ്ങനെ ഞാന് നിങ്ങളെ കാത്തിരിക്കുകയായിരുന്നു.
ആഹാരപാനീയങ്ങള് കഴിച്ച് തളര്ച്ച മാറിയ വാനരന്മാരെ സ്വയംപ്രഭ തന്റെ യോഗശക്തികൊണ്ട് പഴയ പെരുവഴിയില് എത്തിച്ചു. എന്നിട്ട് തിടുക്കപ്പെട്ട് ശ്രീരാമചന്ദ്രന്റെ അടുത്തേയ്ക്കോടി.
