ഉദരത്തില് വളരുന്നത് പെണ്ണാണെങ്കില് ഭ്രൂണഹത്യ നടത്തിയിരുന്ന സാഹചര്യം ഒഴിവാക്കാനാണ് സ്കാനിംഗ് സമയത്ത് ലിംഗനിര്ണ്ണയം നടത്തുന്നത് നിയമം മൂലം നിരോധിച്ചിരുന്നത്. എന്നിട്ടും പെണ് ഭ്രൂണഹത്യക്ക് കുറവൊന്നും ഇല്ല. നരേന്ദ്ര മോദി സര്ക്കാര് ഈ നിയമം തലതിരിച്ചിടാന് പോകുന്നു. അതായത് ഗര്ഭാവസ്ഥയില് ലിംഗനിര്ണ്ണയം നിര്ബന്ധിതമാക്കുകയും അത് രേഖാമൂലം ഉറപ്പുവരുത്തുകയും ചെയ്യും. അതോടെ പെണ്ഭ്രൂണഹത്യ നടന്നാല് നിയമ നടപടി ഉറപ്പ്. ഒരു പ്രശ്നത്തെതന്നെ പരിഹാരമാര്ഗമാക്കുന്ന ഭരണപരിഷ്കാരം. പെണ്കുട്ടികളുടെ സുരക്ഷ, വിദ്യാഭ്യാസം എന്നീ കാര്യങ്ങള്ക്ക് ഏറ്റവുമധികം മുന്തൂക്കം കൊടുക്കുന്ന ഒരു പ്രധാനമന്ത്രിയെ ലഭിച്ചതില് നമുക്ക് അഭിമാനിക്കാം.
ജിതിന് പി.ജി
ഭ്രൂണഹത്യ നിയമംമൂലം നിരോധിച്ചിട്ടും രാജ്യത്ത് ഭ്രൂണഹത്യക്ക് കുറവൊന്നും ഉണ്ടായിട്ടില്ല. ലിംഗനിര്ണയം പാടില്ല എന്ന് പറയുമ്പോഴും രഹസ്യമായി അത് ചെയ്യുന്നവരും ഉണ്ട്. ഈ സാഹചര്യങ്ങളെല്ലാം പരിഗണിക്കുമ്പോള് പല നിരോധനങ്ങളും ഫലപ്രദമല്ലെന്ന് കാണാം. അങ്ങനെ വരുമ്പോള് ഒരു ബദല് മാര്ഗം കാണുന്നതാണ് എന്തുകൊണ്ടും നല്ലത്. നിരോധനം ഏര്പ്പെടുത്താതെ, ലിംഗനിര്ണയം നടത്തിക്കൊണ്ടുതന്നെ പെണ്കുഞ്ഞുങ്ങളുടെ സുരക്ഷിതത്വം ഉറപ്പുവരുത്താന് സാധിക്കുമെങ്കില് പുതിയ നിയമം എന്തുകൊണ്ടും നല്ലതാണ്.
രാധിക
