കരുനാഗപ്പള്ളി: കരുനാഗപ്പള്ളിയിലും പരിസരപ്രദേശങ്ങളിലും മത തീവ്രവാദ ഗ്രൂപ്പുകളും ഇവര് നിയോഗിക്കുന്ന ക്വട്ടേഷന് സംഘങ്ങളും പോലീസിന്റെ ഒത്താശയോടെ വിലസുകയാണെന്നും ഇവര്ക്ക് ചുക്കാന് പിടിക്കുന്നത് കരുനാഗപ്പള്ളി എസ്ഐ മുഹമ്മദ് ഷാഫിയാണെന്നും ഹിന്ദുഐക്യവേദി ഭാരവാഹികള് പത്രസമ്മേളനത്തില് ആരോപിച്ചു.
നിരപരാധികളായ ചെറുപ്പക്കാരെ തട്ടികൊണ്ട് പോവുകയും താലിബാന് മോഡല് മാരകയാധുങ്ങള് ഉപയോഗിച്ച് പ്രാകൃതമായ രീതിയില് ദേഹോപദ്രവമേല്പ്പിക്കുകയും ചെയ്തശേഷം പ്രതികള് തന്നെ ഇവരെ പോലീസിനെ ഏല്പ്പിക്കുകയാണ് ചെയ്യുന്നത്. ഏതാനും ദിവസം മുമ്പ് കരുനാഗപ്പള്ളി മോഡല് ഹയര് സെക്കണ്ടറി സ്കൂളിലെ ഒരു വിദ്യാര്ത്ഥിയെ ആരോ മര്ദ്ദിച്ചുവെന്നതിന്റെ പേരില് ഇതുവരെ നാലുപേരെ ക്വട്ടേഷന് സംഘം തട്ടികൊണ്ടുപോയി അജ്ഞാതകേന്ദ്രങ്ങളില് ചോദ്യം ചെയ്യുകയും മര്ദ്ദിച്ചവശരാക്കിയിട്ടുമുണ്ട്.
എന്നാല് ഇതുമായി ബന്ധപ്പെട്ട അന്വേഷണങ്ങള് കാര്യമായി നടക്കുന്നില്ല. ആദ്യം കൊണ്ടുപോയ യുവാവിനെ ഒരു ദിവസം മുഴുവന് മര്ദ്ദിച്ചവശനാക്കിയ ശേഷം എസ്ഐ ഷാഫിയെ ഏല്പ്പിക്കുകയായിരുന്നു സംഘം ചെയതത്. എസ്ഐ ഷാഫി തരപ്പെടുത്തിക്കൊടുത്ത ടാക്സിയിലാണ് ക്വട്ടേഷന് സംഘം യുവാവിനെ തട്ടിക്കൊണ്ടുപോയി മര്ദ്ദിച്ചത്. എസ്ഐയാണ് വാഹനം വിളിച്ചുകൊടുത്തതെന്ന് ടാക്സി ഡ്രൈവര് സമ്മതിച്ചിട്ടുണ്ടെന്നും ഹിന്ദുഐക്യവേദി നേതാക്കള് പറഞ്ഞു. കഴിഞ്ഞ ദിവസം രണ്ട് കാറുകളിലായി എത്തിയ മതതീവ്രവാദ ക്വട്ടേഷന്സംഘം നിധിന്, ബിബിന്ബാബു എന്നി യുവാക്കളെ തട്ടികൊണ്ടു പോയി മാരകമായി മര്ദ്ദിക്കുകയും വിരലിലെ നഖം പിഴുതെടുക്കുകയും ചെയ്തു. കരുനാഗപ്പള്ളിയില് വിദ്യാര്ത്ഥികള്ക്ക് നേരെയും സ്കൂളുകള് കേന്ദ്രീകരിച്ചും സത്രീകള്ക്കു നേരെയും നിരന്തരമായ ആക്രമണങ്ങളാണ് ഉണ്ടാക്കുന്നത്. എന്നാല് ഇവരെ സംരക്ഷിക്കുന്ന നിലപാടിലേക്ക് മാത്രമല്ല ഇതിനെല്ലാം ഒത്താശ ചെയ്ത് കൊടുക്കുന്നതില് എസ്ഐയുടെ പങ്ക് വ്യക്തമാണ്. ഈ സംഭവത്തിന്റെ പശ്ചാത്തലത്തില് എസ്ഐക്കെതിരെ ഉന്നതതല അന്വേഷണം നടത്തണമെന്നും നേതാക്കള് ആവശ്യപ്പെട്ടു. മതതീവ്രവാദ സംഘങ്ങളും ക്വട്ടേഷന്-കള്ളനോട്ട്-കഞ്ചാവ് മാഫിയകളും അഴിഞ്ഞാട്ടം തന്നെ നടത്തുകയാണ്. കള്ളനോട്ടിന്റെ ഏറ്റവും വലിയ വിനിമയ കേന്ദ്രമായി കരുനാഗപ്പള്ളി മാറിയതില് ചില ഉയര്ന്ന പോലീസ് ഉദ്യോഗസ്ഥര്ക്ക് പങ്കുണ്ടെന്നും ആരോപിച്ചു.
ഇന്റലിജന്റ്സ് റിപ്പോര്ട്ടിനെ മറികടന്നും എസ്ഐയായി ഷാഫിയെ കരുനാഗപ്പള്ളിയില് നിയമിച്ചതിനു പിന്നില് മാഫിയ-ക്വട്ടേഷന് സംഘങ്ങളുടെ ഇടപെടലാണ്. ജാതിനോക്കി പ്രതികളെ കേസില് കുടുക്കുകയും ഹിന്ദുസമുദായത്തില്പ്പെട്ട പ്രതികള് നിരപരാധികളായാലും ക്രൂരമായി മര്ദ്ദിക്കുകയും ചെയ്യുന്ന ഷാഫി പോലീസില് തുടരുകയാണെങ്കില് അത് ആഭ്യന്തര സുരക്ഷയെ തന്നെ ബാധിക്കുമെന്നും ഇവര് ചൂണ്ടിക്കാണിച്ചു. അതേസമയം കള്ളനോട്ട് സംഘത്തിനെതിരെ നടപടിയെടുത്ത സിഐയെ പെട്ടെന്ന് സ്ഥലം മാറ്റിയതിന് പിന്നില് ഇതേ സംഘമാണെന്നും ഇതിന് പിന്നില് ഷാഫിയടക്കമുള്ള കരുനാഗപ്പള്ളിയിലെ ചില പോലീസ് ഉദ്യോഗസ്ഥര്ക്ക് പങ്കുണ്ടെന്നും ഹിന്ദുഐക്യവേദി ആരോപിച്ചു. നേതാക്കളായ എ.വിജയന്, അനില് നമ്പരുവികാല, ഗോപാന്, ജി.പി.വേണു എന്നിവര് പത്രസമ്മേളനത്തില് സംബന്ധിച്ചു.
