കൊട്ടാരക്കര: സമൂഹനന്മക്കായി ദേശീയ വിദ്യാഭ്യാസം നേടിയവരെ നേതൃനിരയില് എത്തിക്കുകയാണ് ആര്എസ്സ് ചെയ്തുവരുന്ന ദൗത്യമെന്ന് ആര്എസ്എസ് ദക്ഷിണക്ഷേത്രീയ ശാരീരിക് ശിക്ഷണ്പ്രമുഖ് ഒ.കെ.മോഹനന് പറഞ്ഞു. മൈലത്ത് നടന്ന ആര്എസ്എസ് മഹാസാംഘിക്കില് സംസാരിക്കുകയായിരുന്നു അദ്ദേഹം.
ദേശീയ വിദ്യാഭ്യാസമില്ലാത്തതിന്റെ അഭാവമാണ് സമൂഹത്തില് അഴിമതിയും ഭീകരവാദവും പ്രകൃതിചൂഷണങ്ങളും അപകടകരമാം വിധം കൂടാന് കാരണം. ഇതിനെ ഇല്ലായ്മ ചെയ്യാന് ദേശീയബോധമുള്ളവര് എല്ലാരംഗങ്ങളിലും ഉയര്ന്നുവരണം. ഇത്തരക്കാര് ഭരണത്തില് ഇരുന്നാല് മാത്രമെ നാട് പുരോഗമിക്കുകയുള്ളൂ. അതാണ് ഇന്ന് ഭാരത്തില് കാണുന്ന പുത്തന് ഉണര്വിന് കാരണം. നമ്മുടെ ദേശീയപൈതൃകങ്ങളെ പോലും വര്ഗീയമായി കാണുന്നവര് മന്ത്രിമാരാകുന്നതാണ് കേരളത്തിലെ വിദ്യാഭ്യാസരംഗത്തെ അപചയത്തിന് കാരണം. പാരമ്പര്യത്തെ കുറിച്ച് അഭിമാനം കൊള്ളുന്നവര് വേണം ജനങ്ങളെ നയിക്കാന്. ദേശീയബോധമുള്ള ജനതയെ വാര്ത്തെടുക്കുന്ന സര്വ്വകലാശാലകളാണ് സംഘശാഖകള് എന്നും അദ്ദേഹം പറഞ്ഞു. ഗണവേഷധാരികളായ നാലായിരത്തിലധികം പ്രവര്ത്തകര് പങ്കെടുത്തു. എ.പി.ഗോപിനാഥന്പിള്ള അദ്ധ്യക്ഷനായിരുന്നു. ജില്ലാസംഘചാലക് ആര്.ദിവാകരന്, താലൂക്ക്സംഘചാലക് കെ.രാജേന്ദ്രന് എന്നിവര് സംബന്ധിച്ചു. താലൂക്ക് കാര്യവാഹക് രാജേഷ് സ്വാഗതം പറഞ്ഞു.
