ജീവിതത്തില് പലപ്പോഴും നമ്മുടെ ഇച്ഛയ്ക്കെതിരായ സംഭവങ്ങള് ഉണ്ടാകുന്നു. അത്തരം സംഭവങ്ങള് ചിലപ്പോള് നമുക്ക് അനുകൂലമോ, പ്രതികൂലമോ ആകാം. ഇന്നത്തെ മൊട്ട് വിരിഞ്ഞ് മറ്റൊരു ദിവസം കൊഴിഞ്ഞ് അതില്നിന്ന് ഫലം ഉണ്ടാകും.
ദിനരാത്രങ്ങളും ഋതുക്കളും അണുവിട തെറ്റാതെ ചാക്രിക സ്വഭാവത്തോടെ മാറുന്നു. ഇത്തരം പ്രതിഭാസങ്ങളിലേക്ക് കണ്ണോടിക്കുമ്പോള് നാം ജീവിക്കുന്ന പ്രപഞ്ചത്തില് അദൃശ്യവും സര്വ്വശക്തവുമായ ശക്തി നമ്മെ നയിക്കുന്നതായി തോന്നിക്കുന്നു. നമ്മുടെ പൂര്വികര് ആ പ്രതിഭാസത്തെ ദൈവമെന്ന് വിളിച്ചാദരിച്ചുപോന്നു.
യുഗങ്ങളായി മനുഷ്യന് ഈശ്വരനില് വിശ്വസിച്ചുവരുന്നു. ഇന്നും നാം ഈശ്വരനില് വിശ്വാസം അര്പ്പിക്കുന്നു. സര്വ്വശക്തനായ അദ്ദേഹത്തിന്റെ നിയന്ത്രണത്തിലാണ് പ്രാപഞ്ചിക പ്രവര്ത്തനങ്ങള് നടക്കുന്നത്. അദ്ദേഹം സര്വ്വവ്യാപിയും സര്വ്വശക്തനും പരിപൂര്ണ്ണനുമാണ്. അദ്ദേഹം ആദിമദ്ധ്യാന്തവിഹീനനാണ്. പ്രപഞ്ചത്തിനുമുഴുവന് ശക്തിപ്രദാനം ചെയ്യുന്ന അദ്ദേഹം സര്വ്വശക്തനാണ്. അദ്ദേഹം ബ്രഹ്മാണ്ഡത്തിലെ വ്യവഹാരങ്ങളറിയുന്ന ത്രികാലജ്ഞാനിയാണ്.
എല്ലാ ജീവജാലങ്ങളുടെയും സൃഷ്ടികര്ത്താവാണ്. പരമനിയന്താവായ പ്രപഞ്ചസൃഷ്ടികര്ത്താവിനെ നമുക്ക് വിസ്മരിക്കാനാവുമോ? നമ്മുടെ ജീവിതത്തിന്റെ പ്രഥമവും പ്രദാനവും അഭേദ്യവുമായ ഭാഗമാണദ്ദേഹം. ഇഹലോകത്തും പരലോകത്തുമുള്ള നമ്മുടെ സമസ്ത ഐശ്വര്യത്തിനായി നമുക്ക് അദ്ദേഹത്തിന്റെ പാദാരവിന്ദങ്ങളില് സമര്പ്പണം ചെയ്ത് ഭക്തിപുരസ്സരം ആരാധിക്കാം.
